ЯҢАЛЫКЛАР
Россиялеләргә моннан ары дача өчен каралган бакча кишәрлекләрендә кош-корт асрау, шул исәптән тавыклар, куяннар тоту ярамячак. Россия Федерациясенең Югары Суды тиешле тыюны раслады. Бу хакта «Российская газета» хәбәр итте, закон бозучыларны зур штраф көтә. Бу хәлләр Волгоград өлкәсендә бакчасында тавыклар асраган хатын-кызның судка мөрәҗәгать итүеннән башланган иде.
Бүген Казан дәүләт ветеринария медицинасы академиясендә район дәүләт ветеринария берләшмәләре башлыклары һәм белгечләре өчен аттестация узды. Аттестацияне Татарстан Республикасы Министрлар Кабинетының Баш ветеринария идарәсе җитәкчесе урынбасары Илдар Ногманов җитәкчелегендәге комиссия кабул итте.
Республиканың ветеринария белгечләре, дуңгызларда африка чумасын булдырмау максатларында, дуңгызчылык предприятиеләрендә комиссия тикшерүләре үткәрә. Бүген Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин ветеринария күзәтчелегенең күчмә комиссиясе составында Тукай районындагы "Камский бекон" дуңгызчылык предприятиесында булды.
Амур өлкәсенең биш районында Африка дуңгыз чумасы авыруы табылган. Бу хакта Амур өлкәсе Хөкүмәтенең матбугат хезмәте хәбәр итә. Җирле халыкка юк ителгән терлек өчен компенсация түләнәчәк, дип ышандыралар.
Татарстанда Африка дуңгыз чумасы буенча карантин туктатылды. Яңа Чишмә районының «Красновидово» аучылык хуҗалыгы территориясе чикләрендә, ягъни эпизоотия чыганагында карантинны бетерү турындагы Указны Татарстан Республикасы Президенты Рөстәм Миңнеханов имзалады. Документ Татарстан Президенты сайтында урнаштырылган.
Татарстан Республикасы Минстрлар Кабинетының Баш ветеринария идарәсе хезмәткәрләре 18нче сентябрь көнне "Илкүләм кросс"спорт чарасында катнашу өчен "Урам" эктрим паркында җыелдылар. Ярышлар парк территорясендә һәм Казансу яры буйлап барды. Биредә шулай ук ТР "Республика ветеринария лабораториясе" һәм Казан шәһәре ветеринария берләшмәсе хезмәткәрләре дә көч сынашты.
Бүген Татарстан Республикасы Министрлар Кабинетының Баш ветеринария идарәсендә Аксубай районы дәүләт ветеринария берләшмәсенә ревизия нәтиҗәләре буенча киңәшмә узды. Аны Баш ветеринария идарәсе җитәкчесе Алмаз Хисаметдинов үткәрде.
Kazan Digital Week - 2021 Халыкара форумы 21-24 сентябрьдә Казанда «Kazan Expo» Халыкара күзгәзмә үзәгендә узачак. Авыл хуҗалыгы тармагында әйдәп баручы спикерлар сезгә интеллектуаль роботлаштырылган чаралар турында сөйләячәк, шулай ук агросәнәгать комплексларын кадрлар белән тәэмин итү тәҗрибәсе белән цифрлы компетенцияләре булган белгечләр белән уртаклашачак.
Бүген, 17 сентябрьдә, Россиядә сигезенче чакырылыш РФ Федераль Җыены Дәүләт Думасына депутатлар сайлау башланды. Илкүләм тавыш бирү, 17-19 сентябрьдә, өч көн дәвамында барачак. Район һәм шәһәр дәүләт ветеринария берләшмәләре хезмәткәрләре тавыш бирүдә актив катнашалар.
Бүген Татарстан Президенты Рөстәм Миңнеханов, 17-19 сентябрьдә узачак РФ Федераль Җыенының Дәүләт Думасына депутатлар сайлауларга чакыру максатыннан татарстанлыларга мөрәҗәгать итте. Республика Президенты Татарстан халкын киләчәк өчен тавыш бирергә чакырды.