ЯҢАЛЫКЛАР
Бүген Татарстан Республикасы Авыл хуҗалыгы һәм азык-төлек министрлыгында Россия Федерациясе авыл хуҗалыгы министры урынбасары Максим Увайдов рәислегендә республикада Африка дуңгыз чумасы буенча эпизоотия хәле мәсьәләләре буенча киңәшмә узды. Киңәшмә видеоконференцэлемтә режимында узды. Аның эшендә Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров, Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов, Татарстан Республикасы буенча Россельхознадзор идарәсе җитәкчесе Илнур Галиев, биоресурслар буенча Татарстан Республикасы Дәүләт комитеты, Эчке эшләр министрлыгы һәм гадәттән тыш хәлләр министрлыгы вәкилләре катнашты.
Бүген Татарстан Республикасы Министрлар Кабинетының Баш ветеринария идарәсендә Татарстан Республикасы территориясендә африка дуңгызлар чумасы вирусы таралуга юл куймау буенча киңәшмә узды. Киңәшмә Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин рәислегендә видеоконференция режимында узды.
Хайваннарның сәламәтлеген саклау федераль үзәге белгечләре сыерларның субклиник һәм клиник мастит авыруына каршы яңа вакцина ясау өстендә эш алып бара, дип хәбәр итә "Ветеринария һәм тормыш" порталы.
Бүген Татарстан Республикасы Авыл хуҗалыгы һәм азык-төлек министрлыгында узган республика агросәнәгать комплексы мәсьәләләре буенча киңәшмәдә Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов, Татарстанда мөгезле эре терлекнең 60 проценты электрон тамга белән теркәләчәк, әлеге эш агымдагы елның көзендә башланачак.
Табигать министрлыгы карамагындагы федераль Аучылык хуҗалыгын үстерү үзәгендә, тукландыру мәйданчыкларында, азык басуларында һәм башка урыннарда кабаннар санын исәпкә алу методикасын эшләделәр. Документ Россия Табигать министрлыгы сайтында урнаштырылган.
Татарстан Республикасы Министрлар Кабинетының Баш ветеринария идарәсе башлыгы урынбасары Илдар Ногманов "Ватан" хәрби-патриотик эш һәм армиягә кадәр яшьләрне әзерләү үзәге филиалы һәм Чистай районының Галактионово авылындагы «Яшьтәш» сәламәтләндерү лагерендә тәрбияләнүчеләр өчен "Цифра дәресе" үткәрде. Дәрестә 8 яшьтән 17 яшькә кадәр 100дән артык бала катнашты.
Хайваннар сәламәтлеген саклау федераль үзәге белгечләре пар тояклы кыргый җанварлар миграциясе аркасында куркыныч авырулар бер төбәктән икенчесенә керү куркынычы турында кисәтә. Тилчә, күшәүче хайваннар чумасы кебек йогышлы авырулар сайгакларның күчеше аркасында килеп чыгу ихтималы бар дип фикерли белгечләр.
Республикада ветеринария хезмәте белгечләре тарафыннан гражданнар өчен африка дуңгыз чумасы һәм терлекчелекне альтернатив рәвештә алып баруга күчү буенча аңлату эшләре алып барыла.
Бүген Татарстан Республикасы Министрлар Кабинетының Баш ветеринария идарәсендә Мари Эл Республикасының Идел буе районында шәхси ярдәмче хуҗалыкта Африка дуңгыз чумасы очрагы ачыклану уңаеннан Мари Эл Республикасы ветеринария хезмәте вәкилләре белән киңәшмә узды.
Россия Табигать министрлыгы хуҗасыз хайваннарның кешеләргә һөҗүм итүен булдырмау буенча методик күрсәтмәләр турында карар проектын әзерләде, дип хәбәр итте ведомствоның матбугат хезмәте. Методик күрсәтмәләр 2023 елның 1 мартыннан үз көченә керер дип көтелә.
Проект тарафыннан эт тешләвеннән зыян китерү куркынычын киметү өчен шартлар булдыру күздә тотыла. Ведомствода билгеләп үтелгәнчә, методик күрсәтмәләр төбәкләргә тәртип булдырырга, шулай ук әлеге вәзгыятьне күзәтеп торырга мөмкинлек бирәчәк.