Республикада Африка чумасы таралуга каршы җитди эш алып барыла
Бүген Татарстан Республикасы Министрлар Кабинетының Баш ветеринария идарәсендә Татарстан Республикасы территориясендә африка дуңгызлар чумасы вирусы таралуга юл куймау буенча киңәшмә узды. Киңәшмә Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин рәислегендә видеоконференция режимында узды.
Киңәшмәдә Идарә башлыгы урынбасарлары Илдар Ногманов, ветеринария куркынычсызлыгын тәэмин итү, ветеринария-санитария экспертизасы һәм дәүләт күзәтчелеге бүлеге башлыгы Айрат Сәлахов, Казан территориаль ветеринария куркынычсызлыгы һәм дәүләт күзәтчелеге бүлеге башлыгы Ленар Хәйретдинов, барлык район ветеринария берләшмәләре башлыклары катнашты.
Киңәшмә барышында ветеринария белгечләре дуңгызлар асрала торган торак пунктларның санын, дуңгызлар саны, аларда дуңгызлар саны һәм гадәттән тыш хәлләр буенча комиссия утырышларында кабул ителгән карарлар турында фикер алыштылар.
Билгеле булганча, республикада АЧС буенча эпизоотик хәлнең начар булуы сәбәпле, ветеринария хезмәте белгечләре гражданнар өчен африка дуңгыз чумасы буенча аңлату эшләре алып баралар. Ветеринария белгечләре, шәхси ярдәмче хуҗалыкларда дуңгыз асраучыларга, республика территориясендә АЧС вирусы таралуга юл куймас өчен, терлекләрне алдан хәстәрен күреп чалырга киңәш итә.
Эре дуңгызчылык комплексларында эш ябык режимда башкарыла, анда хуҗалыкның һәм республиканың ветеринария һәм санитария иминлеген тәэмин итү максатларында барлык ветеринария таләпләре катгый үтәлергә тиеш.