Кыргый хайваннар миграциясе аркасында куркыныч авырулар бер төбәктән икенчесенә үтеп керә
Хайваннар сәламәтлеген саклау федераль үзәге белгечләре пар тояклы кыргый җанварлар миграциясе аркасында куркыныч авырулар бер төбәктән икенчесенә керү куркынычы турында кисәтә. Тилчә, күшәүче хайваннар чумасы кебек йогышлы авырулар сайгакларның күчеше аркасында килеп чыгу ихтималы бар дип фикерли белгечләр.
Рус географик җәмгыяте мәгълүматлары буенча, 2022 елда Идел-Урал арасына сайгаклар санының кискен артуы, шулай ук Россия территориясенә, шул исәптән Саратов һәм Волгоград өлкәләренә массакүләм керүләр күзәтелгән. Хайваннар санының артуы климатның үзгәрүенә, соңгы еллардагы йомшак карлы кышларга һәм хайваннарны саклау чараларының көчәюенә бәйле. Шул ук вакытта, ВНИИЗЖ мәгълүматлары буенча, 2021 елдан 2022 елның августына кадәр Казакъстан территориясендә эре мөгезле терлекләрнең ящурасы, эре мөгезле терлекләрнең йогышлы ринотрахеит, себер түләмәсе һәм билгесез этиологиядәге кыргый күшәүче хайваннар чумасы буенча эпизоотик хәлнең начарлануы күзәтелә.