ЯҢАЛЫКЛАР
23 нче август көнне Апас территориаль бүлеге инспекторлары Ульяновск – Казан юлында Тәтеш районыннан Чувашия республикасына 3 баш эре мөгезле терлек ташыганда ветеринария таләпләрен үтәмәү очрагы ачыкланган: малларга ветеринария белешмәсе булмаган. Гаепле затлар административ штрафка тартылган.
23 нче август көнне Яр Чаллы территориаль бүлеге инспекторлары “Тула-1” постында Киров өлкәсеннән Яр Чаллы шәһәре аша Чиләбе өлкәсенә баручы машинаның, маллар ташыганнан соң тиешенчә дезинфекция ясалмаган транспорт чарасы хуҗасын административ штрафка тарта.
Татарстан Республикасы Министрлар Кибинетының Баш ветеринария идарәсе җитәкчесе Алмаз Хисаметдинов чираттагы гражданнар кабул итүне 28 нче август көнне Әлмәт шәһәрендә уздырачак. Ул Әлмәт районы ветеринария берләшмәсендә узар дип көтелә. Җитәкче янына үзләрен борчыган сораулары белән Әлмәтлеләр генә түгел, күрше районнардан да гражданнар килә ала. Гражданнарны кабул итү Әлмәт шәһәре, Геофизическая урамы, 15 б йорты адресы буенча үтәчәк.
20 нче август көнне Түбән Кама территориаль бүлеге инспекторлары ветеринария кагыйдәләрен бозган өчен язылган штрафларны вакытында түләмәүчеләрнең эшен суд приставларына җибәрде.
22 август көнне Казан территориаль бүлеге инспекторлары”Малиновка” постында кизү вакытында Чувашия республикасыннан Татарстанга килүче машинада эре мөгезле терлек тиреләренә ветеринария белешмәсе булмау фактын ачыклый. Ветеринария таләпләрен үтәмәүче кеше штрафка тартыла.
22 нче август көнне Апас территориаль бүлеге инспекторлары Апас районында эш алып баручы шәхси эшмәкәр Камалеева А.А. предприятиясендә алдан табылган кимчелекләрнең бетерелүен тикшерде. Тикшерү барышында ветеринария кагыйдәләрен бозу ачыкланмаган, алдан табылган кимчелекләр вакытында бетерелгән.
21 август көнне Казан территориаль бүлеге инспекторлары Мәскәү – Уфа юлында Чувашия Республикасыннан Татарстанга килүче машинаның тавыклар ташыганнан соң тиешенчә дезинфекция үткәрелмәү фактын ачыклый. Ветеринария-санитария таләпләрен тупас бозучы административ җаваплылыкка тартыла.
Алексеевск территориаль бүлеге инспекторлары “Саескан тавы” постында кизү вакытында юл хәрәкәте иминлеге инспекторлары белән берлектә 19 берәмлек транспорт чарасын тикшергән.Тикшерү барышында ветеринария белешмәсе булмаган килеш тозлы балык һәм колбаса эшләнмәләре ташу очрагы ачыкланган. Ветеринария таләпләрен үтәмәүче штрафка тартыла.
21 нче август көнне Казан территориаль бүлеге инспекторлары “Малиновка” постында 4 баш эре мөгезле терлек ташыганда ветеринария таләпләре үтәлмәү фактын ачыклаган: маллар тиешенчә бәйләнмәгән була. Гаепле зат административ штраф түләргә тиеш була.
Апас территориаль бүлеге инспекторлары Тәтеш районындагы балалар бакчасында ветеринария таләпләре үтәлешен тикшерде. Тикшерү барышында терлекчелек продукциясенә тиешле ветеринария белешмәсе булмау ачыкланган. Гаепле зат административ штрафка тартыла.