ЯҢАЛЫКЛАР
Бөтендөнья хайваннар сәламәтлек саклау оешмасы Россиядә тилчәгә каршы вакцина ясатмаучы тагын бер имин зонаны раслады. Аңа Алтай Республикасының Бурятия, Тыва һәм Кош-Агач районы керә. Бу хакта РФ Авыл хуҗалыгы министры Дмитрий Патрушев хәбәр итте.
Бүген Татарстан Республикасы Министрлар Кабинетының Баш ветеринария идарәсе башлыгы урынбасары Илдар Ногманов Казанда узачак Корбан бәйрәме уңаеннан уздырылачак чараларны оештыруга багышланган киңәшмәдә катнашты.
Бүген Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин Кукмара районында терлекчеләр һәм ветеринария табиблары өчен оештырылган семинарда катнашты. Чара «Уңыш» хуҗалыгында узды. Семинарда Татарстан Республикасы Министрлар Кабинеты Баш ветеринария идарәсенең дәвалау-профилактика чаралары бүлеге башлыгы Солтан Латыйпов, эре хуҗалыклар терлекчеләре һәм ветеринария табиблары катнашты.
Дәүләт Думасына йорт хайваннарын, шул исәптән песиләрне һәм этләрне ирекле маркировкалау турында аерым закон проекты кертү планлаштырыла, дип хәбәр итә «Ветеринария һәм тормыш» порталы. Искәртеп узабыз, 2022 елның 15 июнендә Дәүләт Думасы хайваннарны маркировкалау турында закон проектын өченче, ахыргы укылышта кабул итте. Әмма бу документ авыл хуҗалыгы хайваннарын исәпкә алу һәм тәңгәлләштерүгә генә кагыла.
Хайваннарның куркыныч авырулары теркәлгән вакытта милекчегә, ветеринария өлкәсендәге кануннарны бозган булса, аның күләмен компенсация түләүдән яисә компенсация күләмен киметүдән баш тартырга мөмкиннәр. Мондый очраклар исемлеген һәм компенсация күләмен киметү тәртибен Россия хөкүмәте билгеләячәк. Мондый закон проектын Дәүләт Думасы берьюлы икенче һәм өченче, соңгы укылышта хуплады. Документта әйтелгәнчә, хайваннарның милекчеләре компенсациядән баш тарту яки аның күләмен судта киметү турындагы карарга шикаять бирергә мөмкин.
Бүген Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов Кукмара районында терлекчеләр һәм ветеринария табиблары өчен узган семинарда катнашты. «Уңыш» терлекчелек хуҗалыгында узган чараны Алмаз Хисаметдинов ачып җибәрде. Семинарда районнарның баш ветеринария табиблары һәм Әгерҗе, Азнакай, Аксубай, Актаныш, Алексеевск, Әлки, Әлмәт, Апас, Арча, Әтнә һәм Баулы районнарының бозаулар үстерүдә җаваплы затлар, терлекчелек алдынгылары катнашты.
Авыл хуҗалыгы хайваннарын мәҗбүри маркировкалау турында закон проектын Дәүләт Думасы депутатлары 2022 елның 15 июнендә пленар утырышта икенче һәм өченче, ахыргы укылышта кабул итте. «Ветеринария турында» Федераль законга үзгәрешләр кертелә.
Казахстанның Караганда өлкәсендә күпләп терлек үлү очраклары теркәлгән. Ветеринария хезмәте хайваннарның үлүенә нинди йогышлы авыру сәбәп булуын ачыклый.
Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров рәислегендә йогышлы авыруларның, шул исәптән аеруча куркыныч авыруларның Татарстан Республикасы территориясенә үтеп керүенә һәм таралуына юл куймау буенча республика штабы утырышы узды.
Россия ветеринария препаратлары базарында 2021 елда 897 вакцина һәм хайваннар өчен 1260 фармакология препараты теркәлгән. Тулаем Россия базарында 339 ветеринария препараты җитештерүче эшли, шуларның 101е – Россия, дип хәбәр иттеләр Россельхознадзорда.