Тәүлеклек сөт сату күләме 6,3%ка арткан

2022 елның 14 июле, пәнҗешәмбе

Россия Федерациясе Авыл хуҗалыгы министрлыгы мәгълүматларына караганда, 4 июльгә авыл хуҗалыгы оешмалары тарафыннан тәүлеклек сөт сату күләме 54,32 мең тонна тәшкил иткән, бу узган елның шул ук чоры белән чагыштырганда 6,3%ка (3,21 мең тонна) күбрәк.

Татарстан Республикасында, Удмуртия Республикасында, Краснодар һәм Алтай крайларында, Воронеж, Новосибирск, Киров, Свердловск, Белгород, Ленинград өлкәләрендә иң күп сату күләмнәре 1,5 мең тоннадан артып киткән.

Бер сыердан уртача савым 20,19 кг тәшкил итте, бу узган ел белән чагыштырганда 1,63 кг күбрәк. Төбәкләр арасында бу күрсәткеч буенча Владимир, Курск, Калининград өлкәләре лидер булып тора. Бу төбәкләрдә бер сыерга исәпләгәндә 25 килограммнан артык сөт савылган.