ЯҢАЛЫКЛАР

15 нче октябрь көнне Алексеевск территориаль бүлеге инспекторлары Нурлат шәһәрендәге шикәр заводында планлы тикшерү үткәрде. Тикшерү барышында малларга азык буларак озатыла торган чөгендер калдыкларына ветеринария белешмәсе язылмау ачыкланган. Әлеге кагыйдә бозу очрагы буенча гаепле зат административ штрафка тартылган.

15 нче октябрь көнне Түбән Кама территориаль бүлеге начальнигы Сарман районында эре мөгезле терлек үрчетү һәм үстерү агрофирмасында ветеринария таләпләре үтәлешен тикшерде. Тикшерү барышында табылган кимчелекләрне бетерү өчен вакыт бирелде

15 нче октябрь көнне Яр Чаллы территориаль бүлеге инспекторлары “Кама” постында Түбән Кама районыннан Әгерҗегә баручы 14 баш сыер ташыганда ветеринария таләпләре үтәлмәүне ачыклаган – малларга тиешле ветеринария белешмәсе булмаган. Ветеринария турындагы таләпләрне үтәмәүче административ штраф түләргә тиеш була.

14 нче октябрь көнне Апас территориаль бүлеге  Буа  шәһәре территориясендә ветеринария белешмәсе булмаган килеш 6 баш эре мөгезле терлек бозаулары сату очрагын ачыклаган. Ветеринария таләпләрен үтәмәүче административ җаваплылыкка тартылган.

15 нче октябрь көнне Яр Чаллы территориаль бүлеге инспекторлары “Кама” постында 6 баш бозау ташыганда ветеринария таләпләре үтәлмәүне ачыклаган: малларга тиешле ветеринария белешмәсе булмаган. Авыл хуҗалыгы министрлыгы кагыйдәләрен үтәмәүче административ штрафка тартылган.

Яр Чаллы территориаль бүлеге инспекторлары М – 7 трассасында Актаныш районыннан Азнакайга ташылучы 7332 кг сөт тиешенчә ябылмаган цестернада ташылуы ачыкланган.  Таможня Союзының Техник Регламенты бозылу сәбәпле, гаепле зат административ штрафка тартылган.

Апас территориаль бүлеге инспекторлары Чүпрәле районы Иске Чүпрәле авылында 4 урында тиешле булмаган урында эре мөгезле терлек сату очрагын ачыклаган. Сатылучы малларга тиешле ветеринария белешмәсе булмаган. Ветеринария кагыйдәләрен бозучы административ штрафка тартылган.

13 нче октябрь көнне Алексеевск территориаль бүлеге инспектолары Яңа Чишмә районы ветеринария белгечләре белән берлектә “Агро-Основа” җәмгыятенә караган хуҗалыкта эре мөгезле терлекләргә инфекцион авыруга каршы вакцина ясадылар.

8 нче окбябрьдән – 12 нче октябрь көннәрендә Республика ветеринария лабораториясе түбәндәге тикшерүләр үткәргән:

-         Серология бүлеге 1174 тикшерү үткәргән;

-         РИД буенча 1689 тапкыр тикшерү лейкоз авыруын ачыклауга үткәрелгән;

-         Вирусология бүлеге 827 тапкыр кан тикшергән, 221 тапкыр патологик материал тикшерелгән;

-         Бактериология бүлеге 15 тапкыр паталогик материал, 2 терлек мәетен  тикшергән;

-         Биохимия бүлеге 13 тапкыр терлек азыгын, 20 төрле кан тикшергән;

-         ПЦР бүлеге 274 төрле тикшерү үткәргән;  

-         Ветеринар-санитар экспертиза бүлегендә 1 тапкыр сөт тикшергәннәр, 11 тапкыр сыер итен, 1 тапкыр бал, 2 тапкыр тавык йомыркасын тикшергәннәр;

-         Паразитология бүлегендә 100 тапкыр капрологиягә, 1 тапкыр балыкка тикшерү үткәрелгән;

-         Токсикология бүлегендә 2 тапкыр сөт тикшерелгән, 1 тапкыр йомырка, 2 тапкыр фураж онын тикшергәннәр.  

Хөрмәтле хезмәттәшләр! Сезне Авыл хуҗалыгы һәм эшкәртү сәнәгате хезмәткәрләре көне белән тәбрик итәм. Татарстан – бүген үз халкын үзендә җитештерелгән азык-төлек белән тулысынча тәэмин итә ала торган регионнарның берсе. Бу – меңләгән терлекчеләр, ветеринарнлар, агрономнар, механизаторларның тырыш эш нәтиҗәсе. Авыр һәм мактаулы хезмәтегез өчен рәхмәт сезгә. Барыгызга да ныклы сәламәтлек, эшегездә уңышлар, аяз күк йөзе телим.

Татарстан Республикасы Министрлар Кабинетының Баш ветеринария идарәсе җитәкчесе – Татарстан Республикасының Баш дәүләт ветеринария инспекторы Алмаз Хисаметдинов.