Саба территориаль бүлеге инспекторлары “Молькеево” постында 22183 кг сөт ташыганда ветеринария таләпләре үтәлмәү фактын ачыклый. Чувашия республикасыннан Мамадыш районына ташылучы сөт тиешенчә пломбалаштырылмаган цистернада ташылган. Гаеплегә карата административ хокук бозу турында протокол төзелгән.

25 июль көнне Апас территориаль бүлегее инспекторлары Апас – Чирмешән юлындагы ветеринария-полиция постында 1,5 тонна сөтне ветеринария белешмәсе булмаган килеш ташу очрагын ачыклый. Ветеринария кагыйдәләрен үтәмәүче административ җаваплылыкка тартыла.

25 нче июль көнне Түбән Кама территориаль бүлеге инспекторлары “Таврия-2” постында 150 литр сөт ташыганда ветеринария таләпләре үтәлмәүне ачыклаган: ветеринария белешмәсе булмаган килеш сөтне җәмәгать туклану урыннарында кулланырга теләгәннәр. Гаеплегә карата административ штраф язылган.

26 нчы июль көнне Федосеев урамы 36 нчы йорт адресы буенча Татарстан Республикасы Министрлар Кабинетының Баш ветеринария идарәсе Татарстан буенча Россельхознадзор идарәсе белән берлектә агымдагы елның икенче кварталына нәтиҗәләр ясаячак. Әлеге чарада ветеринария белгечләре, Россельхознадзор инспекторлары катнашачак.

Саба территориаль бүлеге инспекторлары Кайбыч районындагы “Молькеево” постында ветеринария белешмәсе булмаган килеш  сөт ташучыны туктата. Ветеринария таләпләрен үтәмәүче административ штрафка тартылачак.

16 нчы июльдән – 20 нче июль көннәрендә Республика ветеринария лабораториясе түбәндәге тикшерүләр үткәргән:

-         Серология бүлеге 433 тикшерү үткәргән;

-         РИД буенча 601 тапкыр тикшерү лейкоз авыруын ачыклауга үткәрелгән;

-         Вирусология бүлеге 1150 тапкыр кан тикшергән, 126 тапкыр патологик материал тикшерелгән;

-         Бактериология бүлеге 6 тапкыр паталогик материал, 4 терлек мәетен  тикшергән;

-         Биохимия бүлеге 33 тапкыр терлек азыгын, 19 тапкыр кан тикшергән;

-         ПЦР бүлеге 98 тапкыр дуңгыздан патологик материал, 22 тапкыр кош материалын, 122 төрле продукция, 15 тапкыр төрле азык тикшергән;

-         Ветеринар-санитар экспертиза бүлегендә 2 тапкыр сөт тикшергәннәр, 6 тапкыр бал, 3 тапкыр ит, тикшергәннәр;

-         Паразитология бүлегендә 45 тапкыр капрологиягә тикшерү үткәрелгән;

-         Токсикология бүлегендә 2 тапкыр терлек азыгы тикшерелгән, 3 тапкыр азык-төлек тикшергән.

Алексеевск территориаль бүлеге инспекторлары Нурлат районындагы бер мәктәптә ветеринария таләпләре үтәлешен тикшерде. Тикшерү барышында кайсыбер терлекчелек продукциясенә тиешле ветеринария белешмәләре булмау ачыкланган. Гаепле затка карата штраф салынган.

Казан территориаль бүлеге инспекторлары Казан шәһәре территориясендә тиешле булмаган урында ветеринария белешмәсе булмаган килеш колбаса эшләнмәләре, тавык йомыркасы сату урынын ачыклаган. Ветеринария таләпләрен бозган затлар административ җаваплылыкка тартылган, сәүдә туктатылган.

Апас, Яр Чаллы территориаль бүлекләре инспекторлары Апас һәм Буа районы ветеринария белгечләре белән берлектә, Республикага кош гриппын кертмәү максатларында тәүлек әйләнәсе кизү торалар. Бер тәүлеккә якынча 35 берәмлек транспорт чарасы дезинфекция аппаратлары аша уза.

Алексеевск территориаль бүлеге инспекторлары Нурлат районы ветеринария берләшмәсе белгечләре белән Нурлат шәһәрендә кош гриппын булдырмау максатында халык белән аңлату эшләре алып барды. Сөйләшү барышында халыкка белешмәлекләр таратылды.