ЯҢАЛЫКЛАР
Түбән Кама территориаль бүлеге инспекторлары Сарман районындагы балалар бакчасында ветеринария өлкәсендә табылган кимчелекләрнең бетерелүен тикшерде. Ветеринария кагыйдәләрен бозу буенча бирелгән күрсәтмәләр вакытында үтәлгән.
Яр Чаллы территориаль бүлеге инспекторлары “Кама” постында Казаннан Менделеевск шәһәренә баручы машинаны тикшергәндә ветеринария кагыйдәләре үтәлмәүне ачыклаган. 96 кг күләмендәге кош ите суыту камерасы белән җиһазландырылмаган машинада ташылган. Таможня союзының “Ветеринария турындагы” техник регламентын бозучы җәзага тартыла.
Алексеевск территориаль бүлеге инспекторлары Нурлат районы ветеринария берләшмәсе белгечләре белән Нурлат районы торак пунктларында халык белән аңлату эшләре алып барды. Белгечләр халыкка дуңгызларда африка чумасы авыруын профилактикалау турында, шәхси хуҗалыкта кошлар асрау кагыйдәләре турында сөйләделәр, белешмәлекләр тараттылар.
Яр Чаллы территориаль бүлеге инспекторлары “Тула-1” постында Алабугадан Яр Чаллыга баручы машинада ит ташыганда Таможня Союзы Техник Регламенты үтәлмәү очрагын ачыклаган: 230 кг күләмендәге ит туңдыру җиһазлары булмаган машина идәнендә яткан. Әлеге факт буенча гаепле затка протокол төзелгән.
Яр Чаллы территориаль бүлеге инспекторлары “Тула-1” постында 200 баш яшь тавык, 15 баш әтәч ташыганда ветеринария кагыйдәләре бозылу фактын ачыклаган – кошларга ветеринария белешмәсе булмаган. Гаепле затлар административ штрафка тартылган.
Апас территориаль бүлеге инспекторлары Апас районындагы бер мәктәптә планлы тикшерү үткәрде. Тикшерү барышында ветеринария таләпләре үтәлмәү очрагы ачыкланган: терлекчелек продукциясенә тиешле ветеринария белешмәсе булмаган. Әлеге факт буенча протокол төзелгән.
Яр Чаллы территориаль бүлеге инспекторлары Актаныш авылында ветеринария белешмәсе булмаган килеш 40 кг күләмендә сарык ите сату очрагын фаш иткән. Ветеринария таләпләрен үтәмәүче административ җаваплылыкка тартыла.
Алексеевск территориаль бүлеге инспекторлары “Саескан тавы” постында юл хәрәкәте иминлеге инспекторлары белән берлектә 22 берәмлек транспорт чарасын тикшергән. Шуларның 11 ендә ветеринария инспекторлары контролендә булырга тиешле йөк ташылган. Тавык йомыркаларын ветеринария белешмәсе булмаган килеш ташу очрагы ачыкланган. Гаеплегә карата административ протокол төзелгән.
Яр Чаллы территориаль бүлеге инспекторлары “Тула-1” постында 200 баш үрдәк бәбкәләрен ветеринария белешмәсе булмаган килеш ташу очрагын ачыклаган. Гаепле затлар штрафка тартылган.
Түбән Кама территориаль бүлеге инспекторлары Мөслим районы янындагы постта кизү вакытында тиешенчә дезинфекция үткәрелмәгән машинада эре мөгезле терлек ташу очрагын фаш иткән. Ветеринария таләпләрен бозу факты буенча протокол төзелгән.