ЯҢАЛЫКЛАР
Апас территориаль бүлеге инспекторлары Тәтеш районындагы бер балалар бакчасында ветеринария өлкәсендә алдан табылган кимчелекләрнең бетерелүен тикшерде. Тикшерү барышында ветеринария таләпләре үтәлмәү ачыкланмаган, алдан табылган кимчелекләр вакытында бетерелгән.
Түбән Кама территориаль бүлеге инспекторлары Сухрау авыл җирлеге башлыгы белән уртаклашып крестьян-фермерлык хуҗалыклары җитәкчеләре белән киңәшмә үткәрде. Ветеринария җелгечләре авыл хуҗалыгы маллары, кошлар сатып алганда, асраганда үтәлергә тиешле ветеринария таләпләре турында сөйләде.
Бүген Министрлар Кабинетының Баш ветеринария идарәсендә республиканың ветеринария белгечләре хисап киңәшмәсенә җыелды. Киңәшмәне Баш ветеринария идарәсе җитәкчесе Алмаз Хисаметдинов алып барды. Терлекләрдә инфекцион авыруларны профилактикалау, биотермик чокырларны, үләт базларын тәртипкә китерү турында да сүз барды.
Алексеевск территориаль бүлеге инспекторлары Әлки районындагы бер балалар бакчасында ветеринария өлкәсенә кагылышлы алдан табылган кимчелекләрнең бетерелүен тикшерделәр. Тикшерү барышында ветеринария таләпләрен бозу ачыкланмаган, алдан табылган кимчелекләр бетерелгән.
Алексеевск территориаль бүлеге инспекторлары Алексеевск районы ветеринария берләшмәсе белгечләре белән берлектә “Красный Восток Агро” җәмгыятенә караган хуҗалыкта 1532 баш эре мөгезле терлеккә элек ясалган туберкулин нәтиҗәләрен тикшерделәр.
Апас территориаль бүлеге инспекторлары Кайбыч районындагы бер мәктәптә ветеринария таләпләре үтәлешен тикшерде. Тикшерү барышында кайсыбер терлекчелек продукциясенә тиешле ветеринария белешмәсе булмау ачыкланган. Җаваплы затка карата административ штраф турында беркетмә төзелгән.
Алексеевск территориаль бүлеге инспекторы Чистай районындагы бер балалар бакчасында ветеринария өлкәсенә кагылышлы алдан табылган икмчелекләрнең бетерелүен тикшерде. Тикшерү барышында ветеринария таләпләре үтәлмәү ачыкланмаган.
Нурлат районы ветеринария берләшмәсе җитәкчесе тарафыннан райондагы терлекчелек продукциясен әзерләүчеләр, саклаучылар, әзер терлекчелек продукциясен сатучылар, тере маллар һәм кошлар сатучылар белән киңәшмә үткәрелде. Киңәшмәдә эшмәкәрләргә ветеринария өлкәсенә кагылышлы киңәшләр бирелде, кимчелекләрне булдырмау максаты куелды.
Апас территориаль бүлеге инспекторлары Кайбыч районы Олы Кайбыч авылында эре мөгезле терлек бозауларын ветеринария белешмәсе булмаган килеш сату очрагын ачыклаган. Әлеге күренеш ветеринария турындагы законны бозу дип санала. Гаепле затларга карата административ штраф турында беркетмә төзелгән.
Казан территориаль бүлеге инспекторлары “Малиновка” постында кизү вакытында Чувашия республикасыннан Татарстанга маллар ташыганнан соң тиешенчә дезинфекция үтмәгән машинан килүен ачыклый. Ветеринария таләпләрен үтәмәүче административ җаваплылыкка тартылган.