ЯҢАЛЫКЛАР

Бүген Апас районында Идел аръягы зонасында сөт сыйфатын тикшерү нәтиҗәләренә багышланган киңәшмә үтте. Шунда ук эре мөгезле терлекләрдә лейкоз авыруын булдырмау турында да сүз барды. Киңәшмә эшендә Баш ветеринария идарәсе җитәкчесе Алмаз Хисамутдинов, аның урынбасары Алмаз Гибадуллин, “Ак Бар” агрохолдингы директоры урынбасары Камил Галиев, авыл хуҗалыгы предприятиеләре җитәкчеләре, баш ветеринар табиблар, зоотехниклар катнашты. Күптән түгел Республика ветеринария лабораториясе белгечләре Идел аръягы зонасындагы 8 муниципаль районда сөт сыйфатын тикшергән иде. Бүген шушы мероприятиягә нәтиҗәләр ясалды. Авыл хуҗалыг предприятиеләре җитәкчеләре алдына куелган беренчел бурыч – сөтнең сыйфатын яхшырту.

Бүген Баш дәүләт ветеринария идарәсененң территориаль бүлек ветеринария инспекторлары уртак проблемалрны уртага салып сөйләште. Баш ветеринария идарәсе җитәкчесе урынбасары Алмаз Гыйбадуллин территориаль бүлек инспекторлары алдына беренчел бурычларны куйды: үләт базларының торышын контрольдә тоту, ферма тирәсе территорияләрендә тиешле тәртип урнаштыруны контрольдә тоту һәм Татарстан территориясенә кертелә торган терлекчелек продукциясе сыйфатына җаваплылык.

Сарман районында узган 10 айлык эш нәтиҗәләренә багышланган киңәшмә узды. Авыл хуҗалыгы терлекчеләре мал санын саклау, терлекчелек продукциясе сыфаты хакында фикер алышты. Белгечләр лейкоз авыруын бетерү, сөт сыйфаты, ферма янында тәртип урнаштыру, ветеринар кагыйдәләрнең төгәл үтәлүе турында да сөйләште.

Казан территориаль бүлек ветеринар инспекторлары Лаеш шәһәрендә документларсыз терлекчелек продукциясен сату фактын кисәткән. Сыер итеннән ясалган фаршка ветеринария тикшерүе узганлыгы турында документлар булмаган. Бу продукция сатудан алынган.

Баш дәүләт ветеринария идарәсенең ветеринария инспекциясе Алексеевск территориаль бүлеге инспекторлары Нурлат һәм Аксубай раоннарында рейд оештырган. Рейд вакытында дуңгызларның ирекле рәвештә урамда йөрү факты ачыкланмаган.

Казанда традицион авыл хуҗалыгы ярминкәләре дәвам итә. Узган шимбә көнне башкала мэры Илсур Метшин Ямашев урамында һәм академик Лаврентьев урамнарында урнашкан ярминкәләр эшчәнлеге белән танышты. Казан ветеринар берләшмәсе башлыгы Тимур Галеев башкала мэрына күчмә ветеринар лаборатория тәкъдир итте. Бу техника теләсә кайсы урында кыска вакыт аралыгында азык-төлек продукциясенә ветеринар-санитар экспертиза үткәрергә ярдәм итә. Ветеринария табибы Нурия Решетникова исә яңа җиһазның мөмкинлекләрен эштә күрсәтте.

Бүген Балтач районында Баш ветеринария идарәсе һәм Ветеринария медицинасы Академиясе белән берлектә оештырылган укытулар башланды. Ике атна дәвамында 17 кеше ветеринария буенча теоретик һәм практик белем алачак.

Баш ветеринария идарәсенең Апас территориаль бүлек ветеринар инспекторлары Буа шәһәрендә ике урында бозаулар белән сәдә итү барышында кагыйдә бозу очракларына юлыккан. Сатылучы бозауларга тиешле ветеринария документлары булмау закон бозу дип санала. Шул сәбәпле сәүдәгәрләр административ җаваплылыкка тартылган.

3 нче ноябрь көнне “Саескан тавы” постында кизү тору дәвамында Алексеевск территориаль бүлек инспекторлары юл хәрәкәте инспекторлары белән берлектә 37 берәмлек автомашинаны тикшергән. Шуларның 12 се терлекчелек, үсемлекчелек продукциясе төягән булган. Тикшерү барышында ветеринариягә кагылышлы тәртип бозулар теркәлмәгән.

Алдагы шимбәдә Татарстанда традицион авыл хуҗалыгы ярминкәләре уза. Казан шәһәрендә ул гадәти урыннарда узачак дип белдерделәр авыл хуҗалыгы һәм сәүдә министрлыгында узган киңәшмәдә. Аны Министр урынбасары Николай Титов алып барды. Гадәттәгечә, ярминкәдә бары тик сыйфатлы продукция генә тәкъдим ителәчәк. Аның сыйфатын Татарстанның ветеринария хезмәте вәкилләре контрольдә тотачак.