ЯҢАЛЫКЛАР

Сарман районы ветеринария берләшмәсе узган 2017 нче елга нәтиҗәләр ясады. Ветеринария белгечләре яңа 2018 нче елга эш планнары билгеләде. 

Татарстанның Баш ветеринария идарәсе Волгоград өлкәсендә дуңгызларда африка чумасы вирусы табылуы турында хәбәр итә. Үлгән кыргый кабан дуңгызлары метен тикшергәндә африка чумасы вирусы табыла. Хәзер Волгоград өлкәсендә ветеринария белгечләре авыруны таратмас өчен эшләр һәм профилактика чаралары үткәрә. 

Бүген Кукмара районында район башлыклары өчен семинар узды. Җитәкчеләр ике көн дәвамында сөтчелекне арттыру алымнарына өйрәнәләр. Семинарның практик өлеше "Вахитов" исемендәге комплекста узды. Авыл хуҗалыгы министры Марат Әхмәтов җитәкчелегендәге делегация комплекс буйлап экскурсия үтте. 

Ульян өлкәсе Чердаклинск районы ветеринар табиблары Спасс районында тәҗрибә уртаклашу максатыннан килде. Коллегаларны Меркурий электрон системасына күчүдәге кыенлыклар борчый. 

Алексеевск территориаль бүлеге инспекторлары Чистай районы Кызыл Яр авылы территориясендә тиешле булмаган урында елга балыгы белән сату итү урыннарын ачыклау буенча рейд үткәрде. Рейд вакытында ветеринария кагыйдәләрен бозу очрагы теркәлмәгән.

10 гыйнвар көнне Баш ветеринария идарәсенең Яр Чаллы территориаль бүлеге инспекторлары Әгерҗе районы Крынды авылы территориясендә эре мөгезле терлек ташыганнан соң транспорт чарасына дезинфекция үткәрелмәүне ачыклый. Бу – ветеринария кагыйдәләрен тупас бозу очрагы. Гаеплегә карата административ штраф каралган.

10 нчы гыйнвар көнне Баш ветеринария идаәрсенең Казан территориаль бүлеге инспекторлары елга балыгын сату вакытында ветеринария казыйдәләрен үтәмәү очрагына юлыга – ветеринар белешмә алынмаган. Гаепле административ җаваплылыкка тартылган.

Авыл хуҗалыгы министрлыгында район җитәкчеләре өчен укытулар башланды. Анда сөтчелек продукцяисен арттыру алымнары турында сүз бара. Ике көн дәвамында җитәкчеләргә теоретик һәм практик белем бирәчәкләр. Семинар эшендә Баш ветеринария идарәсе начальнигы Алмаз Хисамутдинов доклад белән чыгыш ясады. Кукмара районында район башлыкларына товар-сөтчелек фермаларының нинди дәрәҗәдә булырга тиешлеген күрсәттеләр.

Белгород өлкәсендә кыргый кабан дуңгызлары мәетендә африка чумасы  вирусы табылган. Хәзер бу территориядә ветеринария белгечләре вирусны таратмау һәм профилактика эшләре алып бара.  

7 нче гыйнвар көнне Баш ветеринария  идарәсенең Апас территориаль бүлеге инспекторлары Чүпрәле райны Иске Чүпрәле авылы территориясендә ветеринария кагыйдәләрен бозу очрагына юлыга: эре мөгезле терлек бозаулары ветеринар белешмәсез сатыла. Сәүдә туктатыла, гаеплегә штраф салына.