71 меңнән артык эт рәсми статус алды!
Этегез реестрга кертелмәгәнме? Якын арада әлеге дәүләт хезмәтеннән файдаланырга киңәш итәбез.
Татарстан Республикасы дәүләт ветеринария хезмәте тарафыннан 71 525 эт теркәлгән.
Йорт хайваннарын теркәү процедурасы түбәндәгечә үткәрелә:
- шәхси ярдәмче хуҗалыкларда эпизоотик чаралар белән бер үк вакытта;
- мобиль пунктларда;
- шулай ук гражданнар дәүләт ветеринария учреждениеләренә мөрәҗәгать иткәндә.
Халыкка уңайлы булсын өчен күчмә пунктлар оештырылган, анда хуҗалар этләрен терки, кирәкле ветеринария хезмәтләрен ала һәм барлык кирәкле документларны тутыра ала.
Күбрәк белү яки чиплауга язылу өчен якындагы дәүләт ветеринария учреждениесенә мөрәҗәгать итә аласыз.
https://guv.tatarstan.ru/podrazdeleniye.htm
Хуҗасыз эт табылган очракта, яшәү урыны буенча муниципаль берәмлекләрнең башкарма комитетларына мөрәҗәгать итәргә яки, хайваннарның яшәү координаталарын күрсәтеп, «Халык контроле» нә гариза урнаштырырга кирәк.
Дүрт аяклы дустыгыз турында кайгыртыгыз һәм җаваплы хуҗа булып калыгыз!
ТР МК Баш ветеринария идарәсе матбугат хезмәте