«Pro ветеринария. Экспертлар җавапларында еш бирелә торган сораулар» сәхифәсен дәвам итәбез
Бу кыска һәм мәгълүмати хәбәрләр, анда һәркем актуаль сорауларга җавап таба ала.
Тема: Умарталыкка ветеринария‑санитария паспорты ни өчен кирәк?
Паспортны ничек алырга?
Гариза бирергә район район ветеринария хезмәтенә (ТР МК Баш ветеринария идарәсе карамагындагы учреждениегә) мөрәҗәгать итәргә.
Гаризада күрсәтелергә тиеш мәгълүматлар:
- Хуҗаның ФИОсы (юридик затлар өчен – оешма исеме);
- умарталыкның урнашу адресы;
- умарта гаиләләре саны;
- бал кортлары токымы (билгеле булса).
Ветеринария белгече:
- гариза теркәлгәннән соң 10 эш көне эчендә белгеч умарталыкка чыга;
- умарталарны, бал кортларын тоту шартларын карый;
- лаборатор тикшеренүләр өчен пробалар ала (бал кортлары, бал, кәрәзләр, үлгән кортлар);
- санитария нормаларының үтәлешен тикшерә (торак йортлардан ераклык, су эчү урыннары, дезинфекция ясау ысуллары һ.б.).
Анализ үрнәкләре аккредитацияләнгән лабораториягә җибәрелә. 14 көн дәвамында үрнәкләр тикшерелә.
Тикшерелә торган төп күрсәткечләр:
- нозематоз, варроатоз, аскосфероз һәм башка авыруларны китереп чыгара торган кузгаткычлар булу;
- ветеринария препаратларының корт организмында калган күләме;
- балның стандартларга туры килүе (токсик элементлар, пестицидлар булмау).
Яңа паспорт кайчан кирәк?
- умарталыкның хуҗасы алмашынса;
- паспортның битләре тулган булса (язарга урын калмаса);
- документ югалса яисә бозылса;
- хуҗалык үзгәртелсә (юридик затлар өчен).