Татарстан Республикасы Ветеринария хезмәте делегациясе Киров өлкәсендә булды
Төбәкара хезмәттәшлекне үстерү һәм ветеринария өлкәсендә тәҗрибә уртаклашу максатыннан, Татарстан Республикасыннан рәсми делегация Киров өлкәсенә эш сәфәре белән барды. Делегация составына Татарстанның ветеринария тармагы белгечләре керде.
Делегацияне Татарстан Республикасы Министрлар Кабинетының Баш ветеринария идарәсе башлыгы Тимур Галиев җитәкләде.
Төркем составына шулай ук:
- ТР МК Баш ветеринария идарәсе башлыгы урынбасары Илшат Гыйниятуллин;
- Татарстан Республикасы «Республика ветеринария лабораториясе» ДБУ директоры Айрат Гәрәев;
- ТР МК Баш ветеринария идарәсенең хайваннарның йогышлы авырулары бүлеге башлыгы Солтан Латыйпов;
- Мамадыш районы дәүләт ветеринария берләшмәсе җитәкчесе Зөлфәт Габдуллин.
Эш сәфәре барышында Татарстан белгечләре Киров өлкәсендә ветеринария эшен оештыру белән таныштылар. Эш программасына түбәндәге учреждениеләргә бару кертелгән иде:
Киров өлкәсе ветеринария идарәсе – төбәкнең башкарма хакимиятенең үзәк органы, ул ветеринария өлкәсендә дәүләт сәясәтен гамәлгә ашыру һәм хокукый яктан җайга салу функцияләрен башкара.
Киров өлкәсе ветеринария тарихы музее – делегация Нократ җирендә ветеринария хезмәтенең тарихын яктырткан үзенчәлекле урын.
КОГБУ Киров өлкә ветеринария лабораториясе – төбәкнең эпизоотик иминлеген һәм азык-төлек куркынычсызлыгын тәэмин итү системасында төп звено. Эш сәфәре гамәли характерда булып, лаборатор диагностика, хайваннар авыруларын тикшерүнең һәм профилактикалауның заманча методларын куллану өлкәсендә тәҗрибә уртаклашуга багышланды.
Ике төбәк белгечләренең үзара хезмәттәшлеге һөнәри элемтәләрне ныгытуга, хайваннар сәламәтлеген һәм биологик иминлеген тәэмин итү өчен нәтиҗәле алымнар куллануга ярдәм итә.