«Еш бирелә торган сораулар экспертларның җавапларында. Ветеринария турында» рубрикасын дәвам иттерәбез

2025 елның 21 августы, пәнҗешәмбе

Кыска һәм мәгълүмати мәкаләләр аша һәркем иң актуаль сорауларга җавап таба алачак.

Тема: Яшь терлекләрнең авырулары һәм аларны профилактикалау.

Яшь терлекләрнең массакүләм авыруларын кисәтү өчен аны алу һәм үстерүнең ветеринария-санитария кагыйдәләрен төгәл үтәү, тулы канлы баланслы ашату, оптималь микроклиматны саклау, стресс йогынтысын һәм авыруга китерә торган факторларны булдырмау яисә киметү, биналарны һәм урамда йөрү мәйданчыкларын нәтиҗәле дезинфекцияләү чараларын үз эченә алган профилактик чаралар комплексын башкарырга кирәк.

Иммунологик статуска коррекция ясау мөһим роль уйный, ул өстәмә рәвештә угыз, иммун сывороткалары, иммуноглобулин препаратлары, шулай ук иммунотроп активлыгы булган чаралар (иммуномодуляторлар, иммуностимуляторлар) биреп башкарыла. Бозаулар туганнан соң 3-5 көннән башлап, имезгәннән соң 1,5-2 сәгать узгач 20-250С кадәр суытылган кайнатылган су эчертәләр. 10 көннән башлап эчәргә яраклы гадәти су бирәләр һәм тупас һәм концентрацияле азык ашарга өйрәтәләр. Су һәм башка кирәк-ярак өчен исәпләнгән савытларны бозауларны ашатканнан соң һәр очракта да юалар һәм дезинфекциялиләр, резин имчәкләрне кайнаталар.
 Яңа туган бозауларда терморегуляциянең камил булмавын истә тотарга кирәк. Шуңа күрә салкын дымлы һава (температура +50 градустан түбәнрәк һәм дымлылык 85% артык булганда), салкын идәннәр, түшәмә булмау, хайваннарны туганнан соң ук сөртү һәм киптерү мөмкинлегенең булмавы аларның тән температурасын 32-330С  кадәр төшерүгә китерә (гипотермия). Бу вакытта угыз аша иммуноглобулиннарның үзләштерелү дәрәҗәсе дә кими. Мондый хайваннарның абсолют күпчелеге ашказаны-эчәк һәм респиратор авырулар белән авырый.

Бозаулар ни өчен авырый?
 Яңа туган һәм яшь терлекләрнең патологиясе төрле сәбәпләр аркасында барлыкка килә:
 • Буаз сыерны дөрес тукландырмау. Буаз сыерга витаминнар, минераллар һәм башка туклыклы матдәләр кирәк. Әгәр алар азык белән кермәсә, организм эчке запасларын сарыф итә. Яңа туган бозауга туклану җитми, шуңа күрә үсеше акрыная, сөякләре һәм органнары начар формалаша. Җитлекмәгән бозау 100% очракта диярлек авырый.
 • Туганнан соң дөрес тукланмау. Беренче айларда бозаулар ана сөтенә мохтаҗ. Ул иммунитет формалашуга һәм ашказаны-эчәк трактының нормаль эшләвенә ярдәм итә. Әгәр сөт җитмәсә, ә тукландыру вакытында кертелмәсә, бозаулар кәефсезләнергә мөмкин.
 • Асрау өчен яраксыз шартлар. Әгәр санитария нормалары бозылса, сыер абзарына бактерияләр, гөмбәчекләр һәм башка авыру китереп чыгаручы микроорганизмнар күчә.
 • Ветеринария хезмәтеннән баш тарту. Прививкалар ясатмаганда, дегельминтизацияләмичә һәм паразитларга каршы эшкәртмичә, бозаулар төрле авыруларга бирешә башлыйлар. Дәвамы киләсе постта булачак.

ТР МК Баш ветеринария идарәсе яңалыкларына язылырга:
 Телеграмм: t.me/guvkmrt