Россиядә эре мөгезле терлекләрне бәяләү системасын эшләгәннәр
«Курчатовский институт» фәнни-тикшеренү үзәгенең Курчатов геном үзәге галимнәре «Иннопрактика» һәм «Мираторг» компанияләре белән берлектә эре мөгезле терлекләрне бәяләү системасын эшләделәр. Аның ярдәмендә продуктивлык характеристикалары яхшырган сыерларны чыгарырга мөмкин булачак, дип белдерделәр геном үзәгендә. Галимнәр билгеләп үткәнчә, бүген катнаштыру өчен затларны сайлаганда, кагыйдә буларак, генетик факторлар исәпкә алынмый. "Мәсәлән, селекционерлар бозауга күчә торган һәм алга таба олы затның халәтенә йогынты ясый торган үгез һәм сыерларның кайбер билгеләрен исәпкә алмыйлар. Бу очракта конкрет сыердан сөт җитештерү күләме югары булу нәселдә дә шундый ук күрсәткечләрне гарантияләми", - дип шәрехләде ТАССка үзәк җитәкчесе Максим Патрушев. Ул аңлатканча, тәкъдим ителгән бәяләү системасы ярдәмендә затларны авырулар үсеше куркынычын киметү яки башка тискәре билгеләр барлыкка килү хисабына чыгаруның нәтиҗәлелеген арттырырга мөмкин.