Авыл хуҗалыгы һәм азык-төлек министрлыгы коллегиясенең киңәйтелгән утырышы узды
Бүген Татарстан Республикасы Авыл хуҗалыгы һәм азык-төлек министрлыгы коллегиясенең киңәйтелгән утырышы узды, ул Татарстан Республикасы башлыгы Рөстәм Миңнеханов җитәкчелегендә "Казан Экспо" Халыкара күргәзмә үзәгендә узды. Утырыш барышында агросәнәгать комплексының 2022 елгы эшенә йомгаклар ясалды һәм 2023 елга бурычлар билгеләнде.
Республика агросәнәгать комплексының эш йомгаклары турында хисап доклады белән Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров чыгыш ясады. Коллегия башланыр алдыннан Рөстәм Миңнеханов «ТатАгроЭкспо 2023» АПК казанышларының V махсуслаштырылган авыл хуҗалыгы күргәзмәсен карады. Күргәзмәдә бөтен Россиядән 350дән артык компания катнаша. Экспозициядә терлекчелекне һәм үсемлекчелекне нәтиҗәле үстерү өчен авыл хуҗалыгы техникасы, җайланмалар һәм чимал, шулай ук авыл хуҗалыгы продукциясен эшкәртү буенча төрле технологияләр тәкъдим ителде.