ЯҢАЛЫКЛАР

Бүген Министрлар Кабинетының Баш ветеринария идарәсендә республиканың ветеринария белгечләре хисап киңәшмәсенә җыелды. Киңәшмәне Баш ветеринария идарәсе җитәкчесе Алмаз Хисаметдинов алып барды. Терлекләрдә инфекцион авыруларны профилактикалау, ветеринария белешмәләрен электрон бирү системасына күчү барышы турында сүз барды.

Түбән Кама территориаль бүлеге инспекторлары Мөслим районындагы постта тиешле таләпләргә туры килми торган машинада 4 баш эре мөгезле терлек ташу очрагын ачыклаган. Ветеринария кагныйдәләрен тупас бозган өчен гаепле затка административ җәза каралган.

14 нче май көненә АЧС буенча 12 объект карантинда кала бирә. Приморье өлкәсендә кош гриппы буенча карантин игълан ителгән. 234 урында хайваннарда котыру авыруы теркәлгән. 33 урында терлекләрдә бруцеллез авыруы ачыкланган.  

Яр Чаллы Әлмәт юлында Әлмәт территориаль бүлеге инспекторлары ветеринария җбелешмәсе булмаган килеш 10 000 баш үрдәк бәбкәсен ташу очрагына былккан. Ветеринария таләпләрен бозучы штрафка тартылган.

Алексеевск территориаль бүлеге инспекторлары Чистай районы Кызыл Яр авылында елга балыгы саткан вакытта ветеринария таләпләре үтәлешен тикшерде. Ветеринария таләпләре бозу ачыкланмаган.

Яр Чаллы территориаль бүлеге инспекторлары “Тула-1” постында кош ите продукциясен ветеринария белешмәсе булмаган килеш ташу очрагын ачыклаган. Авыл хуҗалыгы министрлыгы приказын үтәмәгән өчен гаепле зат штрафка тартылган.

14 нче май көнне Әлмәт территориаль бүлеге инспекторлары Әлмәт районындагы умарталыкта ветеринария таләпләре үтәлешен тикшерде. Тикшерү барышында Россиянең авыл хуҗалыгы министрлыгы приказын тупас бозу ачыкланган. Умарталык хуҗасына протокол төзелгән.

12 нче май көнне Республикада “Татарстаннның чиста урманнары” дип исемләнгән акция үтте. Анда Дәүләт ветеринария хезмәте дә катнашты: Столбищенское урман фондында чхпләрне җыйдылар.

Чүпрәле районы “Цильна” хуҗалыгында малларны җәйге лагерьларга күчерү сорауларына багышланган семинар узды. Семинар эшендә авыл хуҗалыгы предприятиеләре белгечләре катнашты.

Әлмәт территориаль бүлеге инспекторлары Әлмәт шәһәрендәге бер балалар бакчасында ветеринария кагыйдәләре үтәлешен тикшергән. Тикшерү барышында кагыйдә бозу ачыкланмаган.