Тимур Галиев Татарстан Республикасы Яшьләр хөкүмәте вазифаларын башкаручы яңа киңәшче белән эшлекле очрашу уздырды
Татарстан Республикасы Министрлар Кабинеты карары нигезендә төбәк хөкүмәте каршында даими эшли торган консультатив һәм киңәшмә органы – Татарстан Республикасы Яшьләр хөкүмәте төзелде.
Җитәкчелек карары белән Яшьләр хөкүмәтенең яңа составы билгеләнде. Татарстан Республикасы Министрлар Кабинетының Баш ветеринария идарәсе киңәшчесе вазифаларын башкаручы итеп Тимур Спичков билгеләнде.
Вазифага керешү уңаеннан Татарстан Республикасы Министрлар Кабинетының Баш ветеринария идарәсе башлыгы Тимур Галиев белән эшлекле очрашу узды. Очрашу конструктив рәвештә, хезмәттәшлек перспективалары турында фикер алышу, ветеринария эшен үстерүгә һәм яшь белгечләрнең һөнәри әзерлеген арттыруга юнәлдерелгән әңгәмә форматында үтте.
Шул рәвешле, яңа билгеләнү ветеринария өлкәсендә булган бурычларны хәл итүдә комплекслы якын килүне тәэмин итеп, башкарма орган һәм Татарстан Республикасы Яшьләр хөкүмәте арасындагы хезмәттәшлекне киләчәктә ныгытырга мөмкинлек бирер.