Казанда Россия аграрийларының төп форумы ачылды
Татарстан башкаласында Россия крестьян (фермер) хуҗалыклары һәм авыл хуҗалыгы кооперативлары ассоциациясенең XXXVII Бөтенроссия Корылтае эшли башлады. Форум илнең 67 төбәгеннән 600 дән артык делегат — крестьян хуҗалыклары башлыклары, фермерлар, кооператив җитәкчеләре һәм Россия һәм Татарстан Республикасы хакимиятенең профильле органнары вәкилләре катнашты.
Анда Россия Федерациясе Дәүләт Думасы Рәисе урынбасары Алексей Гордеев, Россия Федерациясе Дәүләт Думасының Аграр мәсьәләләр комитеты рәисенең беренче урынбасары — Россия крестьян (фермер) хуҗалыклары һәм авыл хуҗалыгы кооперативлары ассоциациясе президенты Владимир Плотников, Россия Федерациясе Авыл хуҗалыгы министры урынбасары Максим Маркович, Татарстан Республикасы Дәүләт Советы Рәисе вазифасын башкаручы Марат Әхмәтов, Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров, Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин катнаштылар.
Форум кысаларында «Корстон» күңел ачу комплексында түгәрәк өстәлләр узды, анда: җитештерүне оештыру, продукция сату, муниципалитетлар белән хезмәттәшлек, шулай ук хуҗалыклар эшчәнлеген җайга сала торган норматив-хокукый базаны камилләштерү мәсьәләләре турында фикер алыштылар, җирдән файдалану, ветеринария нормалары, экологик һәм табигатьне саклау таләпләре каралды.
Чараның практик өлеше «Казан» Агросәнәгать паркында узды: катнашучылар сәүдә рәтләре, җитештерү цехлары, складлар һәм суыткыч комплекслары белән таныштылар.
Татарстанның мәйданчык итеп сайлануы очраклы түгел, чөнки республика илебезнең агросәнәгать комплексы лидерларының берсе булып тора: сөт җитештерү буенча алдынгы урыннарда тора, хуҗалыкларга ярдәм итү һәм авыл территорияләрен үстерүдә уңышлы тәҗрибәгә ия.
#ГУВКМРТ #ТатарстанРеспубликаДостижений #ветеринария