ТР Министрлар Кабинеты Баш идарәсенең бер атналык эшчәнлегенә йомгаклар

2025 елның 1 сентябреннән ветеринария препаратларын мәҗбүри маркировкалауның яңа этабы үз көченә керде - әйләнештә катнашучыларның барысы да ваклап сатуга бәйле булмаган ветеринария препаратларын әйләнештән чыгару турында «Гадел билге» гә мәгълүмат бирергә тиеш.

Бүген Татарстан Республикасы Министрлар Кабинетының Баш ветеринария идарәсендә гражданнарны бердәм кабул итү узды. Барлык мөрәҗәгатьләр дә аерым-аерым каралды, һәр мөрәҗәгать итүчегә кирәкле консультацияләр бирелде һәм конкрет мәсьәләләрне хәл итү тәкъдим ителде. 

ВКС режимында ТР МК ГУВ вәкилләре Омск өлкәсенең эш төркеме белән “Омск өлкәсе территориясендә хуҗасыз хайваннар белән эш итү эшчәнлеген гамәлгә ашыру тәртибен һәм мондый эшчәнлекне гамәлгә ашырганда чаралар исемлеген билгеләү турында”гы закон проекты буенча очрашты. 

Татарстан Республикасы Министрлар Кабинетының Баш ветеринария идарәсе башлыгы Тимур Галиев ветеринария өлкәсендә федераль дәүләт мәгълүмат системасының «Хорриот» компонентында эре мөгезле терлекләрне исәпкә алуны тәэмин итү мәсьәләсе буенча ВКС режимындагы киңәшмәдә катнашты.