Татарстан башкаласында традицион рәвештә «Милләтләр кроссы-2025»бөтенроссия йөгереше узды
Татарстан башкаласында «Милләтләр кроссы-2025» Бөтенроссия ярышлары узды, анда меңләгән спортчылар һәм актив яшәү рәвешен яратучылар җыелды. Төп вакыйга «УРАМ» экстрим-паркында узды, анда төрле дистанцияләргә йөгерү булды: һәвәскәрләр гаилә һәм хәйрия йөгерешендә катнаштылар, профессионаллар 2 км га массакүләм йөгерештә үзләренең чыдамлыкларын күрсәттеләр, шулай ук җитәкчеләр йөгереше дә узды.
Татарстан Республикасы Министрлар Кабинеты Баш идарәсе вәкилләре, үз яшь категорияләрендә призлы урыннар алып, югары нәтиҗәләр белән аерылып тордылар.
Спорт ярышлары белән беррәттән, оештыручылар концертлар, артистлар һәм физик культура коллективлары чыгышлары белән күңел ачу программасы әзерләделәр, чараны сәламәт яшәү рәвешенең чын бәйрәменә әйләндерделәр.