Тимур Галиев Бөгелмә районында ветеринария берләшмәсе эшен бәяләде һәм ветеринария үсеше турында фикер алышты

2025 елның 5 августы, сишәмбе

Сәфәрен дәвам иттереп, Татарстан Баш ветеринария идарәсе башлыгы Тимур Галиев Бөгелмәдә район ветеринария берләшмәсе бинасында булды.
  

Учреждениегә килер алдыннан Бөгелмә районы башкарма комитеты җитәкчесе Дамир Фәттахов белән киңәшмә узды, анда районда ветеринария эшен үстерүнең гомуми мәсьәләләре турында фикер алыштылар.
 
 Аннары берләшмә җитәкчелеге һәм белгечләре белән эшлекле очрашу узды, анда ветеринария хезмәтләре күрсәтүнең агымдагы вәзгыятен карадылар. Учреждение биналарын һәм җиһазларын карап чыкканнан соң, Тимур Галиев фермер хуҗалыклары һәм шәхси ярдәмче хуҗалыклар арасында терлек авыруларын профилактикалауга аерым тукталды.
  

Шулай ук лаборатор тикшеренүләр һәм авыл территорияләрен сыйфатлы ветеринария хезмәте белән тәэмин итүнең мөһим мәсьәләләре җентекләп тикшерелде.

Очрашуга йомгак ясап, җитәкче җирле хакимият һәм халык белән даими хезмәттәшлек итү, хезмәткәрләрнең киләчәктә һөнәри үсеше һәм учреждениенең техник базасын ныгыту зарурлыгын ассызыклады.