Бөгелмә районында гражданнарны шәхсән кабул итү узды

2025 елның 5 августы, сишәмбе

Бүген Татарстан Республикасы Министрлар Кабинетының Баш ветеринария идарәсе башлыгы Тимур Галиев Бөгелмә районына рәсми сәфәр кысаларында гражданнарны шәхсән кабул итте.

Очрашуда халык ветеринария законнарына һәм ветеринария хезмәтләренең гамәли эшчәнлегенә кагылышлы актуаль сорауларын бирде. Аерым алганда, очрашуда катнашучылар сораулар белән мөрәҗәгать иттеләр:

 - сөт продукциясенә ветеринария документларын рәсмиләштерү;

- умарталыкларның санитария паспортларын алып бару кагыйдәләре;

- йорт хайваннарын чиплаштыру һәм теркәү процедуралары.
 
 Гражданнар һәр мәсьәлә буенча тулы аңлатмалар һәм тиешле ярдәм алдылар. Тимур Галиев ассызыклаганча, халык белән шәхси очрашулар ведомство эшенең мөһим элементы булып тора, алар гражданнарның ихтыяҗларын тиз арада ачыкларга һәм хезмәтнең нәтиҗәлелеген күтәрергә мөмкинлек бирә.

— Кешеләр белән турыдан-туры элемтә безнең эш өчен бик мөһим, – диде Тимур Галиев. – Бу безгә проблемаларны тиз арада ачыкларга һәм һәр кешенең фикерен исәпкә алырга мөмкинлек бирә.

Мондый чаралар дәүләт сервисларыннан файдалану мөмкинлеген арттыра һәм республика ветеринария хезмәтләренең сыйфатлы эшен тәэмин итә.