«Еш бирелә торган сораулар экспертларның җавапларында. Ветеринария турында» рубрикасын дәвам иттерәбез
Кыска һәм мәгълүмати мәкаләләр аша һәркем иң актуаль сорауларга җавап таба алачак.
Тема: Эре мөгезле терлекләрнең «алсу күз» буларак та билгеле булган йогышлы кератоконьюктивиты (моракселлез) аеруча эре мөгезле терлекләргә хас йогышлы авыру булып тора.
Бу халәт куркыныч, әмма, авыруның беренче билгеләре үз вакытында ачыкланган очракта, аны уңышлы дәвалап була.
Нәрсәне белү мөһим?
- Авыруны Moraxella bovis бактериясе китереп чыгара.
- Йогышлы чир күбесенчә бәйләнеш юлы белән йога: инфекцияле су, азык, тәрбия кылу әйберләре аша, шулай ук чебен тешләү юлы белән дә.
Иң зур куркынычка яшь бозаулар һәм иммунитеты какшаган хайваннар дучар ителә.
Моракселлезның билгеләре:
- Мулдан агып торган күз яшьләре һәм яктылыкка сизгерлек.
- Күзнең лайлалы тышчасында ялкынсыну (конъюнктивит) үсеш ала. Күз алмасының алгы иң кабарынкы үтә күренмәле тышчасы тоныклана һәм җәрәхәтләр барлыкка килә.
Дәвалау:
- Гентамицин, цефтиофур, левофлоксацин һәм башка антибиотиклар кебек киң спектрлы препаратлар белән антибиотик терапия.
- Антибиотиклар («пенстреп») белән бергә новокаин кебек препаратлар куллануны үз эченә алган җирле блокада процедуралары.
Терапияне мөмкин кадәр тизрәк башларга кирәк, чөнки тоткарлану дәвалауның нәтиҗәлелеген киметә.
Профилактик чаралар:
- Терлекчелек биналарын һәм файдаланыла торган инвентарьны даими рәвештә дезинфекцияләү.
- Бактерия таратучы бөҗәкләрнең (чебеннәрнең) санын контрольдә тоту.
- Хайваннар өчен стресс факторларын киметү.
- А һәм Е витаминнары белән баетылган тулы канлы баланслы туклану, хайваннарны вакцинацияләү.
Диагностика:
Төгәл диагностика ясау өчен, ветеринария белгечләре бактериологик посев өчен хайванның зарарланган күзеннән мазок алалар. Бу конкрет кузгаткычны ачыкларга һәм нәтиҗәле антибактериаль чара табарга мөмкинлек бирә.
Исегездә тотыгыз: авыру билгеләрен иртәрәк ачыклау һәм ветеринарга кичекмәстән мөрәҗәгать итү сезнең хайваннарның уңышлы савыгу мөмкинлекләрен сизелерлек арттыра!