Татарстан ветеринарлары дуңгызларның Африка чумасына каршы көрәш буенча төбәкара өйрәнүләрдә квалификацияләрен күтәрделәр

2025 елның 25 июле, җомга

Мари Эл Республикасы Ветеринария комитеты чакыруы буенча Татарстан Республикасы Министрлар Кабинеты Баш ветеринария идарәсе белгечләре Россия Федерациясенең ветеринария куркынычсызлыгы дәрәҗәсен арттыруга юнәлдерелгән «Юл картасы» чаралары кысаларында оештырылган төбәкара тактик-махсус өйрәнүләрдә катнаштылар.
 

 Чараның максаты түбәндәгеләрдән гыйбарәт иде:

- төбәкләрдә ветеринарияхезмәткәрләренең квалификациясен күтәрү;
 - хайваннар арасында авырулар чыгуга оператив җавап бирү күнекмәләрен камилләштерү;
  - йогышлы авыру чыганакларын локальләштерү һәм бетерүнең нәтиҗәле ысулларына өйрәтү.

 Өйрәнүләрнең төп темасы түбәндәге мәсьәләләргә багышланды: «Шәхси ярдәмче хуҗалык территориясендә йорт дуңгызларында ачыкланган Африка дуңгыз чумасының эпизоотия чыганагын локальләштерү һәм бетерү буенча гамәлләрне оештыру».

Әлеге чарада катнашу Татарстан Республикасы Министрлар Кабинеты Баш ветерианария идарәсе белгечләренә элек алган белемнәрен ныгытырга һәм, хайваннарда аеруча куркыныч авырулар килеп чыгу очракларында каршы тору өчен, кирәкле яңа гамәли күнекмәләрне үзләштерергә мөмкинлек бирде.