Нурлат муниципаль районында бүген төбәкара команда-штаб өйрәнүләре узды
Нурлат муниципаль районында бүген аеруча куркыныч авыру – Күшәүче вак хайваннар чумасы чыганагын бетерүгә юнәлдерелгән төбәкара команда-штаб өйрәнүләре узды.
Чарада ветеринария хезмәте, Гадәттән тыш хәлләр министрлыгы белгечләре, Ульяновск, Самара һәм Саратов өлкәләренең ветеринария хезмәтләре вәкилләре, территориаль федераль органнар һәм Татарстан Республикасының профильле ведомстволары вәкилләре катнашты. Шулай ук медицина учреждениеләре, хокук саклау органнары, янгын сүндерү хезмәте вәкилләре һәм ТР Биологик ресурслар буенча дәүләт комитеты хезмәткәрләре бар иде.
Чараның максаты – кеше һәм хайваннар өчен уртак булган аеруча куркыныч авыру чыганагын локальләштерү һәм бетерү буенча чаралар комплексын үткәргәндә, шулай ук ведомствоара хезмәттәшлекне җайга салу буенча да, уртак гамәлләрнең әзерлеген тикшерү һәм сынап карау.
Нурлат районында, өйрәнүләр сценариесе буенча, гражданинның шәхси ярдәмче хуҗалыгында кәҗәләрдә вак күшәүче хайваннар чумасы ачыклана. Татарстан Республикасының эпизоотологиягә каршы отряды куркыныч авыру чыганагын локальләштерүгә һәм бетерүгә юнәлдерелгән чараларны оператив рәвештә башкарырга керешә.
Үткәрелгән өйрәнүләр барышында оператив рәвештә карантин постлары җәелдерелә, территориаль һәм федераль хакимият органнары, җирле үзидарә органнары хезмәткәрләре, Татарстан Республикасының төрле ведомстволары һәм бүлекчәләре белгечләре җәлеп ителә.
Бердәм эш нәтиҗәсендә авыруның шартлы чыганагы бетерелә.
Тулырак видеода: https://t.me/guvkmrt/4926