«АГРОВОЛГА 2025 " халыкара агросәнәгать күргәзмәсе: җитәкчеләр очрашуы

2025 елның 9 июле, чәршәмбе

«АГРОВОЛГА 2025» Халыкара агросәнәгать күргәзмәсе кысаларында Татарстан Республикасы Министрлар Кабинетының Баш ветеринария идарәсе башлыгы Тимур Галиев һәм Луганск Халык Республикасы Авыл хуҗалыгы һәм азык-төлек министры урынбасары Светлана Тонконогова арасында эшлекле очрашу узды.

Очрашуда катнашучылар хайваннар белән эш итү, биологик калдыкларны җыю һәм утильләштерү, шулай ук ветеринария өлкәсен үстерүгә бәйле башка мөһим аспектларга кагылышлы күп кенә төп мәсьәләләр турында фикер алыштылар.

Бу чара төбәкара элемтәләрне ныгыту процессында Татарстан Республикасының әһәмиятен ассызыклый һәм төбәкнең аграр секторының тотрыклы үсешенә ярдәм итә.