ТР МК ГУВ башлыгы урынбасары Илдар Ногманов эш визиты белән Казахстанда
Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җәббаров җитәкчелегендәге Татарстан Республикасы делегациясе Татарстан Республикасы Министрлар Кабинетының Баш ветеринария идарәсе башлыгы урынбасары Илдар Ногманов катнашында Казахстан Республикасына эш сәфәре кыла.
Эш сэфэре кысаларында токымнар буенча республика палаталары белән очрашу оештырылды, анда делегатлар Казахстан Республикасының нәсел һәм продуктив терлекчелек, ветеринария, мәгълүмат системалары тәҗрибәсе белән таныштылар. Эре мөгезле терлекләр үрчетү тәҗрибәсен өйрәнү һәм үзләштерү максатында делегатлар «Агрофирма Приречное» ҖЧҖендә, «Лазарев и к» ҖЧҖендә, «Звенковское» ҖЧҖендә булдылар.
Делегатлар шулай ук "Араи — EAST FOOD " компаниясендә булдылар-Казахстанның ит һәм казылык эшләнмәләре җитештерү буенча алдынгы предприятиесе буларак танылган. Бүгенге көндә еллык куәте 1,8 мең тонна булган 100 төрдән артык пешкән һәм ысланган казылык, сосиска, сарделек, деликатес һәм ит ярымфабрикатлары җитештерелә.
Казахстан Республикасы белән Татарстан Республикасы арасында тышкы икътисадый багланышлар актив үсә. Казахстаннан ак май, хайван яки үсемлек майларыннан продукция, кондитер эшләнмәләре экспортлана. Татарстан сөт, каймак, сыр, сөт сывороткасы, шоколад, джем, кетчуп һәм туңдырма белән тәэмин итә.
Үзара файдалы мөнәсәбәтләр партнерлыкны ныгыта һәм «Халыкара кооперация һәм экспорт» милли проекты максатларына туры килә.