"Яңа Ел символы"балалар рәсемнәре конкурсы

2024 елның 28 декабре, шимбә

2024 елда Гаилә елы кысаларында Татарстан Республикасы Министрлар Кабинетының Баш ветеринария идарәсе хезмәткәрләрнең балалары өчен «Яңа Ел символы» рәсем конкурсы игълан итте, аның максаты яшь буында иҗади активлыкны һәм сәнгать күнекмәләрен үстерү.

Балаларга үзләренең фантазияләрен, Яңа елны һәм аның әһәмиятен гәүдәләндерүче символларны сурәтләп белдерергә тәкъдим ителде. Конкурс чын иҗат бәйрәме булып чыкты: яшь рәссамнар акварель белән рәсем ясаудан алып аппликацияләргә кадәр төрле техника кулландылар, идеяләрнең һәм алымнарның гаҗәеп төрлелеген күрсәттеләр.

Конкурс йомгаклары буенча барлык катнашучыларга да дипломнар һәм истәлекле бүләкләр тапшырылды, бу вакыйга мавыктыргыч кына түгел, һәр бала өчен дә истә калырлык булды.