"Казан" Агросәнәгать паркы лабораториясендә ветсанэкспертлар аттестациясе узды

2024 елның 2 декабре, дүшәмбе

Бүген «Казан» Агросәнәгать паркының ВСЭ лабораториясендә Буа, Саба, Минзәлә, Питрәч һәм Зеленодольск районнары ветеринария-санитария экспертларына аттестация узды.

Аттестацияне Татарстан Республикасы Министрлар Кабинетының Баш ветеринария идарәсе башлыгы урынбасары Илдар Ногманов рәислегендәге комиссия кабул итте.

Ветсанэкспертлар терлек чималына һәм продуктларына ветеринария-санитария экспертизасы уздыруга бәйле теоретик сорауларга җавап бирделәр.

Практик мәсьәләләрдә сөт һәм сөт продуктларына, авыл хуҗалыгы хайваннары итенә, балыкка лаборатор тикшеренүләр үткәрелде.