Авыл хуҗалыгы ярминкәләренә ветеринария-санитария экспертизасы лабораторияләрендә мәҗбүри карау узган продукция гына кертелә

2024 елның 16 ноябре, шимбә

Республикада авыл хуҗалыгы продукциясен һәм көндәлек азык-төлек товарларын сату буенча авыл хуҗалыгы ярминкәләре дәвам итә.

Авыл хуҗалыгы ярминкәләре киштәләрендә сатыла торган азык-төлек продуктларының сыйфатына һәм куркынычсызлыгына катгый контрольне ветеринария лабораторияләре хезмәткәрләре гамәлгә ашыра.

Татарстан Республикасы Министрлар Кабинетының Баш ветеринария идарәсе белгечләре сүзләренә караганда, Татарстанда авыл хуҗалыгы ярминкәләренә ветеринария-санитария экспертизасы лабораторияләрендә мәҗбүри карау узган һәм куркынычсыз дип танылган продукция генә кертелә. Ярминкә көннәрендә ветеринария белгечләре мәйданчыкларда торалар, продукцияне тикшерәләр.

Быел ярминкәләр 29 декабрьгә кадәр атна саен уздырылачак.