Ногманов Илдар Нургали улы Удмуртия Республикасының Кизнер районы территориясендә төбәкара тактик-техник өйрәнүләрдә катнашты.
Бүген Татарстан Республикасы Министрлар Кабинетының Баш ветеринария идарәсе башлыгы урынбасары Ногманов Илдар Нургали улы Удмуртия Республикасының Кизнер районы территориясендә ящурның шартлы учагын кисәтү һәм бетерү буенча төбәкара тактик-техник өйрәнүләрдә катнашты.
Илдар Ногманов сүзләренчә: «Һичшиксез, аеруча куркыныч авырулар чыганакларын бетерү буенча мондый төбәкара өйрәнүләр кирәк. Инфекция кайда барлыкка килергә икәнен сайламый. Шуңа күрә Удмуртия Республикасыннан коллегалар Киров өлкәсе һәм безнең республика чикләре тоташкан урында терлекләрнең шартлы рәвештә ящур белән авыруы буенча өйрәнүне модельләштерделәр. Бу өйрәнүләрдә субъект органнарының инфекция учагын бетерүгә юнәлдерелгән, субъектара хезмәттәшлек тикшерелә»
Мондый чараларның төп максаты-белгечләрне мөмкин булган эпидемиологик ситуацияләргә тиз һәм нәтиҗәле реакциягә әзерләү. Өйрәнүләр барышында диагностика, карантин чараларын, мәгълүмати ярдәм күрсәтүне һәм халык белән эшләүне дә кертеп, гамәлләр алгоритмын эшләргә мөмкинлек бирә торган төрле сценарийлар карала. Моннан тыш, регионара өйрәнүләр регионнар арасында тәҗрибә алмашуга ярдәм итә, ветеринария хезмәтләренең җирле хакимият органнары белән үзара хезмәттәшлеге гамәлгә ашырыла, бу исә котыру чире таралуны булдырмау бурычын хәл итүне тәэмин итә.