Татарстан Республикасы Министрлар Кабинетының Баш ветеринария идарәсе башлыгы гриппка каршы акциядә катнашты

2024 елның 5 сентябре, пәнҗешәмбе

Бүген «Татар-информ»да Татарстан Республикасында гриппка каршы вакцинацияләү буенча бөтенроссия кампаниясе башлану турында матбугат конференциясе узды.

Әлеге акция кысаларында Татарстан Республикасы Министрлар Кабинетының Баш ветеринария идарәсе башлыгы Алмаз Гаптрауп улы Хисаметдинов гриппка каршы вакцинация узды.

Шулай ук вакцинациядә Татарстан Республикасы министрлыклары һәм ведомстволары җитәкчеләре катнашты.

Алмаз Гаптрауп улы сүзләренчә, ул ел саен вакцинацияләнергә тырыша, ләкин узган ел, вакцинацияне уздырмаганга, авыр формада грипп кичергән.