Татарстан Республикасы Министрлар Кабинетының Баш ветеринария идарәсенә автомобильләр тапшыру

2024 елның 31 августы, шимбә

Татарстан Республикасы Дәүләт Советы бинасы каршында Татарстан Республикасы Министрлар Кабинетының Баш ветеринария идарәсе карамагындагы учреждениеләр җитәкчеләренә автомобиль ачкычлары тапшыру тантанасы узды.

Татарстан Республикасы Рәисе Рөстәм Нургали улы Миңнеханов 20 «Лада Нива Трэвэл» автомобиле ачкычын тапшырды.

Алынган автомобильләр ярдәмендә Татарстан Республикасының ветеринария табиблары республиканың ерак районнарында ветеринария ярдәме күрсәтүне, шулай ук профилактик чараларны нәтиҗәле үткәрүне һәм хайваннарда йогышлы авыруларны бетерү чараларын үткәрүне дәвам итәчәкләр.