Алмаз Хисаметдинов эш визиты белән Бөгелмә районында булды

2024 елның 14 мае, сишәмбе

Бүген Татарстан Республикасы Министрлар Кабинетының Баш ветеринария идарәсе башлыгы Алмаз Гаптраупович Хисаметдинов эш визиты белән Бөгелмә районында булды. Эш визиты барышында ул район җитәкчелеге белән очрашты, «Бөгелмә авыл хуҗалыгы базары» ҖЧҖ, «Бөгелмә сөт заводы» ҖЧҖдә булды, «Төньяк Нива Татарстан» ҖЧҖ терлекчелек комплексын әйләнеп чыкты һәм «Бөгелмә РГВО»ДБУ коллективы белән очрашу үткәрде. Шулай ук Алмаз Гаптраупович ветеран Заречнев Михаил Андреевичка Рәхмәт хаты тапшырды.