Кошлар гриппына юл куймау буенча республика штабы утырышы узды
Бүген Татарстан Республикасы Авыл хуҗалыгы һәм азык-төлек министрлыгында министрның беренче урынбасары Ленар Наилевич Гарипов рәислегендә кошлар гриппына юл куймау буенча республика штабының чираттан тыш утырышы узды.
Утырышта Татарстан Республикасы Министрлар Кабинетының Баш ветеринария идарәсе башлыгы, Татарстан Республикасы буенча Россельхознадзор идарәсе җитәкчесе, Татарстан Республикасы Биологик ресурслар буенча дәүләт комитеты һәм Татарстан Республикасы Авыл хуҗалыгы министрлыгы җитәкчелеге катнашты.
ВКС режимында тоташтырылган
район дәүләт ветеринария берләшмәләре һәм территориаль бүлекләр башлыклары, Татарстан Республикасы буенча Россельхознадзор Идарәсе һәм Татарстан Республикасы Биологик ресурслар буенча дәүләт комитеты белгечләре, шулай ук кошчылык предприятиеләре җитәкчеләре.
Татарстан Республикасы Министрлар Кабинетының Баш ветеринария идарәсе башлыгы Алмаз Гаптраупович Хисаметдинов кошлар гриппы буенча эпизоотик хәл турында доклад белән чыгыш ясады.
Чыгышлар барышында шулай ук кошларны тоту, кошларны кертүне даими контрольдә тоту, кош һәм азык сатып алу белән шөгыльләнүче эшмәкәрләр белән эшләү, кош гриппы йөртүче вирусына мониторинг тикшеренүләре өчен синантроп кошны ату мәсьәләләре күтәрелде.