Этләр өчен кар нәрсә белән куркыныч булырга мөмкин?
Кышкы вакытта ветеринария станцияләренә эт хуҗалары еш кына аларның йорт хайваннарында ашказаны-эчәклек бозылу билгеләре барлыкка килүенә зарланалар. Күпчелек очракта бу этләр йөргәндә кар ашаган булып чыга.
Кар барлык реагентларны туплый, алар белән шәһәр юллары һәм урамнары сибелә, шулай ук анда предприятиеләрдән төрле "чыгулар" һәм автомобильләрдән чыккан газлар урнаша. Хайван организмына кергәч, кар ашкайнату бозылуына китерергә мөмкин. Кайвакыт симптомнар үзләре уза, ә кайвакыт вакытында ветеринария ярдәме күрсәтелмичә булмый.
Икенче куркыныч шунда ки, эт кар астында күмелгән таяклар, ташлар яки чүп-чар кебек чит әйберләрне тешләргә яки йотарга мөмкин.
Әгәр дә эт пычрак кар ашаса, аның торышын игътибар белән күзәтегез һәм кирәк булса ветеринария табибына мөрәҗәгать итегез.