Соңгы өч елда Самара өлкәсендә бруцеллез чире очраклары арта
Соңгы өч елда Самара өлкәсендә хайваннар бруцеллезы авыруы теркәлеп килә. 2022 елда әлеге авыру Самара өлкәсенең Шигон, Ставрополь, Зурлушицкий, Идел районнары территориясендә теркәлгән.
Россельхознадзор Самара өлкәсендә бруцеллезның эпизоотия чыганакларын бетерү вакытында хокук бозуларны теркәгән, дип хәбәр итә ведомствоның матбугат хезмәте. Россельхознадзор ачыкланган хокук бозулар турында хокук саклау органнарына һәм Самара өлкәсе буенча Роспотребнадзор идарәсенә хәбәр итте.
"Россельхознадзорның Саратов һәм Самара өлкәләре буенча идарә тарафыннан бруцеллезның эпизоотия чыганакларын бетерү вакытында берничә хокук бозу очрагы теркәлгән", - дип хәбәр иттеләр ведомствода.
Шулай ук тагын бер хокук бозыу очрагы - предприятие карамагында булган бруцеллез ачыкланган 1,5 мең баш мөгезле эре терлекне озак вакыт эпизоотия учакның билгеләнгән чикләреннән читтә торган.
Тагын берсе: бруцеллез белән авырый торган терлекләр сугымы моның өчен шартлар булган махсус предприятиедә башкарылмавы да ачыкланган.
Бруцеллез авыруы - хайваннар арасында авыруның киң таралган, шулай ук кешеләр өчен дә бик куркыныч авыру. Бу авыру терәк-хәрәкәт аппараты, йөрәк-кан тамырлары, нерв һәм җенес системаларын зарарлый һәм инвалидлыкка китерә.