Максим Увайдов җитәкчелегендә Африка дуңгыз чумасы һәм кош гриппы очракларын кисәтү буенча зур киңәшмә узды
Бүген Татарстан Республикасы Министрлар Кабинетының Баш ветеринария идарәсе җитәкчесе Алмаз Хисаметдинов Россия Федерациясе субъектлары башкарма хакимияте органнары тарафыннан Африка дуңгыз чумасы һәм югары патогенлы кош гриппы килеп чыгу очракларын булдырмау һәм юк итү өчен күрелә торган чаралар буенча киңәшмәдә катнашты.
Киңәшмә Россия Федерациясе авыл хуҗалыгы министры урынбасары Максим Увайдов рәислегендә видеоконференция режимында узды.
Киңәшмә барышында 2021 елда Россия төбәкләрендә африка дуңгызлар чумасы һәм патогенлы кош гриппы очраклары теркәлгән имин булмаган пунктларга кагылышлы мәсьәләләр буенча фикер алыштылар. Киңәшмәдә катнашучылар инфекция керүнең төп сәбәпләре турында фикер алыштылар һәм дуңгызчылык һәм кошчылык предприятиеләре милекчеләренә, шәхси хуҗалыклар хуҗаларына кош-кортны һәм дуңгызларны ябык урыннарда тоту зарурлыгын искәрттеләр. Шулай ук хайваннарның аеруча куркыныч авыруларын кисәтү буенча барлык санитар-ветеринария таләпләре үтәлешен тәэмин итү төбәкләрдәге җаваплы өлкә җитәкчеләренә йөкләнде.