"Алтын көз - 2021" XXIII Бөтенроссия агросәнәгать күргәзмәсендә ТР ветеринария хезмәтен Айрат Гәрәев һәм Тимур Галиев тәкъдим итте
"Алтын көз - 2021" XXIII Бөтенроссия агросәнәгать күргәзмәсе кысаларында Татарстан Республикасы Республика ветеринария лабораториясе директоры Айрат Гәрәев һәм Казан шәһәренең Ветеринария берләшмәсе башлыгы Тимур Галиев Татарстан Республикасы Дәүләт ветеринария хезмәтен тәкъдим итте. Бүген алар "Ветеринариядә актуаль трендлар" түгәрәк өстәл утырышында катнашты. "Алтын көз - 2021" форумы - илдә иң эре авыл хуҗалыгы казанышлары күргәзмәсе.
Быел «Алтын көз» күргәзмәсендә Татарстан Республикасы үз стенды белән чыгыш ясады, анда республиканың 12 авыл хуҗалыгы товар җитештерүчеләре тәкъдим ителгән иде, алар арасында Татарстан умартачылары, "Эмиз" ширкәте, «Яратель» кошчылык фабрикасы, «Пестречинка», «Вамин - Татарстан», Татпотребсоюз, «Майский» оешмалары һәм башка продукция җитештерүчеләр бар иде. Күргәзмәнең эше 8 октябрьгә кадәр дәвам итә. Чара кысаларында агросәнәгать комплекслар үсешенең актуаль юнәлешләре турында түгәрәк өстәл утырышлары планлаштырыла.