Алмаз Хисаметдинов ревизия нәтиҗәләре буенча киңәшмә утырышы уздырды

Бүген ТР Министрлар Кабинетының Баш ветеринария идарәсе җитәкчесе Алмаз Хисаметдинов рәислегендә, ревизия нәтиҗәләре буенча киңәшмә утырышлары узды. Җыелышлар Түбән Кама районы ветеринария берләшмәсе һәм Республика ветеринария лаборатория эшчәнлегенә карата оештырылган иде.

 

Киңәшмәдә фикер алышуда идарәнең бүлек җитәкчеләре һәм Түбән Кама районының дәүләт ветеринария берләшмәсе җитәкчесе, Республика ветеринария лаборатория директоры Айрат Гәрәев катнашты. Биредә финанс-хуҗалык өлкәсенә кагылышлы сораулар һәм ветеринария белгечләренең эшчәнлеге турында сүз алып бардылар.