MAX мессенджеры аша дәүләт хезмәтләрен ничек алырга: адымлы инструкция
MAX мессенджерында дәүләт хезмәтләре платформалары белән интеграцияләнү аркасында дәүләт һәм муниципаль хезмәтләр алу мөмкинлеге бар. Бу функциядән ничек файдаланырга була, түбәндә адымлы инструкция бирелә:
1 адым: MАХ мессенджерын ачыгыз һәм үз җайланмагызда MAX кушымтасын эшләтә башлагыз.
2 адым: авторизация узыгыз һәм кушымтада авторизацияләнгән булуыгызны тикшерегез. Узмаган булсагыз, үз аккаунтыгыз аша керегез.
3 адым: "Хезмәт күрсәтүләр" бүлегенә күчегез. Гадәттә дәүләт хезмәтләренә керү кушымтаның махсус бүлегендә була. «Дәүләт хезмәтләре», «Муниципаль хезмәтләр» яисә башкача билгеләнгән аерым битне (вкладка) яисә төймәне табыгыз.
4 адым: кирәкле хезмәтне сайлагыз, файдалана алырлык хезмәтләр исемлеген карагыз һәм үзегезгә кирәген сайлагыз. Категорияләргә милекчелек хокукларын теркәү, белешмәләр бирү, документлар тутыру һәм башкалар керергә мөмкин.
5 адым: күрсәтмәләр буенча барыгыз. Кушымта күрсәтмәләренә ияреп, форманы тутырыгыз, кирәкле документларны өстәгез һәм гариза җибәрегез. Хаталар булмасын өчен, белешмәләр керткәндә игътибарлы булыгыз.
6 адым: җавапны көтеп торыгыз һәм гаризагызның раслануына инангач, алдагы күрсәтмәләрне көтегез. Гаризаны эшкәртү вакыты хезмәт төренә һәм системаның йөкләнешенә бәйле.
Өстәмә мәгълүмат:
- Кайбер хезмәтләр, гариза онлайн бирелсә дә, хакимиятнең тиешле органнарында үзегезнең шәхсән булуыгызны таләп итә.
- Кирәк булганда, гаризагызның статусын шәхси кабинет яисә кайнар линия аша ачыклагыз. MAX мессенджерын куллану дәүләт һәм муниципаль хезмәтләр алу процессын гадиләштерергә мөмкинлек бирә, сезнең вакытыгызны һәм көчегезне азрак сарыф итәргә ярдәм итә.