Министрлар Кабинеты ветеринария препаратларын әйләнешкә кертү өчен документлар тапшыру тәртибен раслады
Россия Хөкүмәте Россельхознадзорга гражданлык әйләнешенә кертелә торган ветеринария препаратлары, шул исәптән иммунобиологик препаратлар турында документлар һәм мәгълүматлар тапшыру кагыйдәләрен раслады. Тиешле карар 11 апрельдә Хокукый мәгълүматның рәсми интернет-порталында урнаштырылган.
Яңа кагыйдәләр буенча җитештерүче яки импортер ветеринария препаратының һәр сериясе өчен Россельхознадзорга аның сыйфаты турында документ, шулай ук предприятиенең вәкаләтле кешесенең ветеринария препаратының дәүләт теркәвендә күрсәтелгән таләпләргә туры килүен раслауын бирергә тиеш. Документлар Шәхси кабинет аша «Гален» мәгълүмат системасында (Россельхознадзорның ветеринария өлкәсендәге дәүләт мәгълүмат системасының «ВетИС»компоненты) бирелә.
Әгәр препарат Россиядә беренче тапкыр җитештерелсә, өстәмә рәвештә аккредитацияләнгән сынау лабораториясендә аның беренче ике сериясен сынау протоколларын бирергә кирәк булачак.
Моннан тыш, ветеринария препаратларын җитештерүчеләр яки импортлаучылар ел саен 1 февральдән дә соңга калмыйча Россельхознадзорга аккредитацияләнгән лабораториядә уздырылган сынау протоколын, ел дәвамында гражданлык әйләнешенә кергән һәр сәүдә атамасының бер сериясен бирергә тиеш.
Гражданлык әйләнешенә иммунобиологик препаратлар, мәсәлән, вакциналар яки сывороткалар кертү Россельхознадзордан алынган рөхсәт нигезендә генә мөмкин булачак. Рөхсәт аккредитацияләнгән сынау лабораториясендә препаратның беренче ике сериясен сынау нәтиҗәләре буенча биреләчәк.
Яңа кагыйдәләр 2023 елның 1 сентябреннән үз көченә керәчәк һәм 2029 елның 1 сентябренә кадәр гамәлдә булачак. Иммунобиологик препаратларны гражданлык әйләнешенә кертүгә рөхсәт бирү тәртибенә кагылышлы пунктлар 2024 елның 1 мартыннан эшли башлаячак.