КДВМАда ветеринария медицинасы мөдире квалификациясен күтәрү курслары башланды.

2023 елның 3 апреле, дүшәмбе

Н.Э. Бауман исемендәге Казан дәүләт ветеринария медицинасы академиясендә ветеринария медицинасы мөдире квалификациясен күтәрү курслары башланды. Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин курста катнашучыларны сәламләде һәм аларга уңышлы укулар теләде.

Әлеге курсларда белгечләргә «Ветеринария фармациясе» темасы буенча укыту программасы тәкъдим ителәчәк.

Казан дәүләт ветеринария медицинасы академиясе югары квалификацияле профессор-укытучылар составына ия, бай укыту-методик, фәнни-китапханә фондына ия, кафедраларда уку процессы заманча дәрәҗәдә оештырылган, өстәмә һөнәри белем бирү функцияләрен уңышлы башкара.