Алмаз Хисаметдинов Буа ветеринария техникумында "Профессионаллар - 2023" һөнәри осталык чемпионаты җиңүчеләрен котлады
Бүген Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов эш визиты белән Буа районында булды. Ул Татарстан Республикасының "Профессионаллар - 2023" һөнәри осталык буенча төбәк чемпионатын ябуга багышланган чарада катнашты. Биредә яшь белгечләр "Ветеринария" компетенциясе буенча көч сынашкан иде. Алмаз Хисаметдинов студентларны сәламләде, чемпионат җиңүчеләрен котлады һәм аларга алдагы ярышларда зур уңышлар теләде.
Җиңүче студентлар федераль ярышларда Татарстан Республикасы исеменнән чыгыш ясаячак.
Сайлап алу барышында студентларның белемнәрен һәм күнекмәләрен бәяләү лаборатория диагностикасы, хайван һәм үсемлек продуктларына ветеринария-санитария экспертизасы, авыл хуҗалыгы хайваннарын һәм кошларын клиник тикшерү буенча үткәрелде;
«Ветеринария» компетенциясендә «юниорлар» һәм «төп төркем» катнашучыларының ике яшь категориясе катнашты. Ярышларда республиканың Әтнә, Буа һәм Минзәлә районнарыннан барлыгы 12 конкурсант катнашты.