Лаешта республика территориясенә йогышлы хайван авырулары үтеп керүен булдырмау буенча фикер алыштылар
Лаеш муниципаль районында республика территориясенә йогышлы, шул исәптән аеруча куркыныч хайван авыруларының үтеп керүенә һәм таралуына юл куймау буенча комиссиянең чираттан тыш утырышы уздырылды.
Киңәшмәдә Татарстан Республикасы Министрлар Кабинетының Баш ветеринария идарәсенең хайваннарның йогышлы авырулары һәм эпизоотиягә каршы чараларны оештыру бүлеге башлыгы Елена Ильина, Лаеш муниципаль районы Башкарма комитеты җитәкчесе вазыйфаларын башкаручы, социаль мәсьәләләр буенча җитәкченең беренче урынбасары Андрей Карсалов, районның баш ветеринария табибы Олег Портнов, терлек һәм кош-корт сату һәм ташу буенча шәхси эшмәкәрләр, КФХ башлыклары, дуңгызчылык һәм кошчылык хуҗалыклары җитәкчеләре, авыл җирлекләре башлыклары һәм Россельхознадзор һәм Эчке эшләр министрлыгының территориаль бүлекләре вәкилләре.
Киңәшмә барышында Татарстан Республикасы территориясендә дуңгызларның африка чумасы, кош гриппы инфекциясе һәм эре мөгезле терлек авырулары барлыкка килүенә юл куймау буенча чараларның үтәлешен карады. Шулай ук башкарма хакимият органнарының хайваннарның аеруча куркыныч һәм йогышлы авырулар барлыкка килүен кисәтү һәм бетерү буенча муниципаль махсус комиссияләр белән үзара хезмәттәшлеге, аларга кирәк булганда эпизоотик иминлекне тәэмин итүгә һәм авырулар барлыкка килүен кисәтүгә юнәлдерелгән чараларны үтәүдә методик ярдәм күрсәтү мәсьәләләре каралды.