Ветеринария академиясендә республиканың ветеринария-санитария белгечләре өчен һөнәри әзерлек курслары башланды
Бүген Казан дәүләт ветеринария медицинасы академиясендә республика ветеринария-санитария белгечләрен яңадан һөнәри әзерләү курслары башланды. Татарстан Республикасы Министрлар Кабинетының Баш ветеринария идарәсе башлыгы урынбасары Габделхак Мотыйгуллин курста катнашучыларны сәламләде һәм аларга уңышлы укуларын теләде.
Курсларга республиканың төрле районнарыннан ветсанэкспертлар килде. Уку-укытуның теоретик блогында алар Россия Федерациясендә һәм Татарстан Республикасында эпизоотик халәт турындагы сорауларны, заманча этапта ветеринария законнарын; терлекләрне алдан карау буенча ветеринария-санитария таләпләрен; терлекләрнең түшкәләрен һәм органнарын суюдан соңгы ветеринария-санитария тикшерүен, лимфатик төеннәрнең топографиясен; терлекләрнең тоткарлыксыз авыруларын ачыклаганда туш һәм органнарга ветеринария-санитария экспертизасын, аларны санитар бәяләүне; авыл хуҗалыгы базарларында ит һәм ит продуктларына ветеринария-санитария экспертизасын, кыргый терлекләр итен ветеринария-санитария экспертизасын, тәртипне караячак.